Тошкент вилоятининг Оққўрғон туманидаги 17-мактаб ўқувчилари дарсга киритилмай, SIM карта сотиб олиш учун уйларига жўнатилгани айтилган видеохабарлар тарқалди.
Видеода акс этган болаларнинг сўзларига кўра, уларга 10 минг сўмдан 20 минг сўмгача пул олиб келиш тайинланган.
Тошкент вилояти ҳокимлиги ҳолатга муносабат билдириб, вазият вилоят ҳокими ўринбосари Отабек Султонбеков томонидан назоратга олиниб, ўрганиш бошланганини эълон қилди.
Ҳокимлик ўз муносабатида бугунги кунда кенг оммалашиб, халқ овозига айланиб бораётган “Open бюджет" компаниясини бундай талқин қилиш, болалардан фойдаланишни оқлаб бўлмаслиги билдирилиб, яқин соатларда ҳолат бўйича батафсил ва асослантирилган ахборот берилиши маълум қилинди.
Изоҳ (0)