Yaponiyaning Tokyo TV telekanali 24-mart kuni “hamyon maxluqi” Pokemon haqidagi anime-serialning so‘nggi, 1234-qismini namoyish etdi.
Loyihada jami 25 ta fasl mavjud. Birinchi epizod chiqqanidan deyarli 26 yil o‘tgach, shou mualliflari Alabastiyadagi Esh Ketchum (yaponcha versiyada Satoshi) ismli bosh qahramon va uning do‘sti Pokemon Pikachuning sarguzashtlarini tugatishga qaror qildi.
Yakuniy serial chiqqandan so‘ng, kanal keyingi Pokemon loyihasi — Pokemon Horizons treylerini namoyish etdi. Biroq undagi sujet yangi qahramonlar — Layka va Roy atrofida quriladi. Loyiha premyerasi 2023-yilda bo‘lib o‘tishi kutilmoqda.
Pokemon anime-seriali eng mashhur yapon franshizalaridan biri hisoblanadi. Loyihaning “Pokemon. Men seni tanladim” deb nomlangan birinchi epizodi 1997-yilning 1-aprelida namoyish etilgan, xuddi shu nomdagi Nintendo videoo‘yinlari serialdan ilhomlanib ishlab chiqarilgan. Bundan tashqari, loyiha mualliflari 2019-yilda to‘liq metrajli “Pokemon. Detektiv Pikachu” nomli filmini ham taqdim etgan.
Izoh (0)