Bugun,

  • USD 11095.31
  • RUB 173.84
  • EUR 10772.44

Bu yil “Oskar”ning deyarli barcha mukofotlarini “Hammasi har joyda va birdaniga” filmi oldi. Ammo bu uyga quruq qo‘l bilan qaytgan nomzodlar orasida munosib da’vogarlar yo‘qligini anglatmaydi.

“Inisherinning banshilari”, Martin MakDona

Nomzodlar: 9

Foto: Filmdan kadr

Martin MakDonaning yangi kartinasi o‘zining sevimli Venetsiyasida namoyish etildi — eng yaxshi ssenariy va eng yaxshi erkak roli uchun bir nechta ,“Oltin globus”ga sazovor bo‘ldi, “Oskar”ga to‘qqizta nominatsiyada qo‘yildi. Ammo na aktyorlar, na Makdonaning o‘zi haykalchalarga ega bo‘lmadi, hatto ssenariy ham mukofotga loyiq ko‘rilmadi. Bu ajoyib komediya dehqon va skripkachi o‘rtasidagi ziddiyat haqida. Skripkachi Kolm bir kun kelib fermer Podrik bilan do‘st bo‘lmaslikka qaror qiladi, chunki u bema’ni gaplarga vaqt sarflashni istamaydi va san’atni tanlaydi.

“Fabelmanlar”, Stiven Spilberg

Nomzodlar: 7

Foto: Filmdan kadr

Stiven Spilbergning bolalik xotiralari Mishel Uilyams tomonidan yaratilgan ijodkor onaning ajoyib obrazi bilan ta’sirchan filmga aylandi. Tanqidchilarning fikricha, uni “ikkinchi darajali rol” sifatida nomzod qilib ko‘rsatishganida, ehtimol “Oskar” olishi mumkin edi. Filmda tasvirlangan tom ma’noda kinoga “kasal bo‘lgan” bola (xuddi kichik Stiven kabi) ham hayotini onasisiz tasavvur qila olmaydi. Chunki “Fabelmanlar” — ko‘plab reja va orzularga ega bo‘lgan, ammo o‘zini oilasiga bag‘ishlagan ayol haqidagi drama. U o‘zini hech qanday e'tirozsiz oilasiga bag‘ishlaydi, ehtimol u dunyoga mashhur pianinochi bo‘lishi mumkin edi. Shubhasiz, Spilberg bolaligidagi barcha jarohatlarini ushbu kartina orqali tasvirlaydi.

“Tar”, Todd Fild

Nomzodlar: 6

Foto: Filmdan kadr

Keyt Blanshett “Oskar” olishi kerak bo‘lgan film muvaffaqiyatli bo‘lmadi, aniqrog‘i bu sodir bo‘ldi, lekin Mishel Yeo ilib ketdi. Filmda Berlin filarmonik orkestrining birinchi ayol dirijyori bo‘lgan Lidiya Tar haqida hikoya qilinadi. U aqlli, iste’dodli, go‘zal, omadli — Bernsteyn talabasi, mukofotlar sovrindori, u mashhur “Nyu-Yorker” jurnalining mashhur muallifiga intervyu beradi. Biroq unchalik yoqimli bo‘lmagan himoyachilaridan birining vafotidan keyin Lidiyaning obro‘si xavf ostida qoladi.

“G‘am uchburchagi”, Ruben Estlund

Nomzodlar: 3

Foto: Filmdan kadr

Shved rejissori Ruben Estlund kapitalizm tanqid qilingan yana bir filmi bilan qaytdi, ammo Estlund Kannning asosiy mukofotini oldi va “Oskar”da esa hech bir nominatsiyada g‘olib bo‘lolmadi.

Umuman olganda, kapitalizmni tanqid qilish tendensiyasi biroz kulgili ko‘rinadi, deyarli “asalga qarshi asalarilar”ga aylanadi, chunki uni imtiyozli, boy odamlar tanqid qiladi. Estlundning bosh qahramonlari — model juftlik kruizda sayohatga chiqishadi. Ularning layneri halokatga uchraydi, noma’lum oroldagi tirik qolganlar kichik jamiyatning iyerarxiyasini o‘zgartiradi.

“Xarris xonim Parijga boradi”, Entoni Fabian

Nomzodlar: 1

Foto: Filmdan kadr

1992-yilda suratga olingan Anjela Lansberi ishtirokidagi telefilmning 1992-yilgi remeyki eng yaxshi liboslar uchun “Oskar”ga da’vogarlik qilgandi, afsuski uni qo‘lga kiritolmadi. To‘satdan qo‘liga pul tushib qolgan beva farrosh ayol Dior libosini olish uchun Parijga borishga qaror qiladi. Voqealar Ikkinchi jahon urushidan keyin sodir bo‘ladi va orzu qilingan moda libosini olish oson ish emas. Ammo Xarris xonimni to‘xtatib bo‘lmaydi. U deyarli butun Dior uyini va shu bilan birga fransuz aristokratini maftun etadi, garchi keyinchalik aristokratning boshqa manfaatni ko‘zlagani ma'lum bo‘ladi.

Mavzuga doir
Izoh

Бахтияр

21 mart, 14:57

Assalawma aleykum
Maqola to'liq bolmay qolganmi? Sayt maqolalarini muntazam kuzatib boraman. Iltimas shunaqa maqolalarni kopaytirsangiz. Ishlaringizda omad.
Bayramlar bilan

Asosiy yangiliklar
Maslahatlar
Jazirama yoz: issiq kunlarda o‘zingizni qulay his qilishingizga yordam beradigan 10 ta tavsiya
Mahalliy
Qirg‘izistonda sodir bo‘lgan zilzila kuchi Namangan viloyatida sezildi
Sport
U-20 JCH—2023. Argentina va Angliya musobaqani tark etdi, Braziliya hamda Italiya chorak finalda