Har gal ko‘rganingizda qalbni jumbishga soladigan hayajonli va ta’sirchan kino sahnalari
Kinodagi ba’zi muhim sahnalar shu qadar puxta sahnalashtiriladiki, ularni necha marta ko‘rib chiqmaylik, har safar o‘chmas taassurot qoldiradi. Masalan, “Oddiy askar Rayanni qutqarish” filmidagi qariya Rayanning qabristonga kelgan sahnasi yoki Maksimus “Gladiator”da imperator oldida dubulg‘asini yechgan payt.
Maksimus imperator Kommod oldida dubulg‘asini yechadi
“Gladiator” filmidagi Rassell Krouning qahramoni Rimga qaytadi va gladiatorlar janglarida qatnashadi. U eng qiyin jangda g‘alaba qozonadi va imperator Kommod uning oldiga arenaga tushadi. U jasur jangchining ismini so‘raydi, lekin Maksimus o‘zini shunchaki gladiator deb ataydi va hukmdordan yuz o‘giradi. Shunda Kommod g‘azablangan holda dubulg‘asini yechishni talab qiladi. Maksimus itoat qiladi, yuzini ochadi. Shunda, hamma allaqachon o‘ldiga chiqargan imperiyaning eng yaxshi qo‘mondonini ko‘rib hayratda qoladi.
Rouz Jekning familiyasini oladi
Titanikdan qutqarilgandan so‘ng, Rouz boshqa omon qolgan yo‘lovchilar bilan birga Nyu-Yorkka yetib boradi. Undan ismi va familiyasi so‘ralganda, u o‘zining o‘rniga Jekning familiyasini aytib, Rouz Douson deydi. Shu tariqa Rouz ularning tanishuvi juda qisqa bo‘lishiga qaramay, unga qanchalik ahamiyatli ekanini ko‘rsatadi.
Film so‘ngidagi Where Is My Mind qo‘shig‘i yangraydi
“Jangchilar klubi” oxirida Edvard Norton o‘ynagan hikoyachini Marlaning oldiga olib kelinadi. U ayolning qo‘lidan ushlab, ramziy iborani aytadi: “Biz hayotimning g‘alati bir davrida uchrashdik”. Shundan so‘ng ular ulkan deraza orqali osmono‘par binolarga qarashadi va fonda Pixies guruhining qo‘shig‘i yangraydi.
Jon Koffi uni qorong‘ida qoldirmaslikni so‘raydi
“Yashil maskan” filmida qamoqxona boshlig‘i beozor va sodda Jon Koffiga qarshi hukmni bajarishga majbur bo‘ladi. Uning vijdoni qiynaladi, chunki u Koffini aybdor deb hisoblamasdi. Jon Koffi zulmatda qolishni istamasligini aytganida, nazoratchi so‘nggi istagini bajaradi.
Sneyp Lillini doim yaxshi ko‘rganini aytadi
Garri Potter xotiralar girdobida Severus Sneyp haqidagi xotiralarni ko‘rgach, u bolaligidanoq onasi Lillini sevishini bilib oladi. Ammo Lilli Jeyms Potterga ko‘ngil qo‘yadi. Shunga qaramay, Sneyp professor Dambldorning iltimosiga binoan Garrini asrab-avaylaydi. Professor bilan suhbatda Sneypdan “Shuncha yildan keyin ham Lillini sevasizmi”, deb so‘raganida, Sneyp “Har doim” deb javob beradi.
Frodo elflar bilan birga ketadi
“Uzuklar hukmdori” filmining yakuniy qismida Frodo uzukni haddan tashqari ko‘p taqishi natijasida kelib chiqqan eski yarasi va kasallikdan aziyat chekadi. Asta-sekin u normal hayotga qayta olmasligini tushunadi, unga va Bilboga berilgan imkoniyatdan foydalanishga qaror qiladi — elflar bilan Mangu yerlarga borish. Portda u do‘stlari Merri, Pippin va Sem bilan xayrlashadi.
Rayan qabristonga keladi
“Oddiy askar Rayanni qutqarish” filmi oxirida keksa Rayan farzandlari va nabiralari bilan qutqaruvchisi kapitan Miller qabriga keladi. Ko‘z yoshlarini tiyishga qiynalgan qariya munosib hayot kechirish uchun bor kuchini sarflaganini shivirlaydi.
Forrest Gamp o‘g‘lini birinchi marta ko‘radi
Forrestning sevgilisi Jenni uni televizorda ko‘rib, unga taklifnoma bilan xat yuboradi. Qahramon uning oldiga keladi va sevgilisi otasining ismini qo‘ygan o‘g‘li Forrest bilan yashashini bilib oladi. Jennining aytishicha, Forrestning o‘g‘li tengdoshlari orasida eng aqllisi.
