Ba'zan film yoki serial tomosha qilganimizda, juda ko‘p muhim tafsilotlarni o‘tkazib yuboramiz. Ammo internetda o‘z kashfiyotlarini baham ko‘rishdan xursand bo‘ladigan ziyrak insonlar ko‘p.
- Singlim “Joker”ni ko‘rganda film davomida bosh qahramonni “Amerikancha oila”dagi ota o‘ynagan deb o‘yladi.
- “Uyda yolg‘iz” filmida Kevin kechki ovqatni o‘zi pishiradi va roppa-rosa 21:00 da dasturxonga o‘tiradi, garchi u o‘sha vaqtda o‘g‘rilar kelishini yaxshi bilsa ham. U hatto sham yoqadi, keyin esa ovqatga tegmasdan stolda qoldiradi.
- “Villi Vonka” filmida bechora ona oziq-ovqatga pul topish va to‘shakka mixlangan qariyalarni boqish uchun uzoq yillar kir yuvuvchi bo‘lib ishlagan. Biroq Charli oltin chiptani qo‘lga kiritgach, Jo bobo xotirjamlik bilan yotoqdan turadi va bolani shokolad fabrikasiga olib boradi.
- Odatda men go‘shakni qo‘yganimda hech qachon xayrlashmayman, har bir inson shunday qiladi. Shunchaki suhbatni tugatib, telefonni bir chetga surib qo‘yaman va suhbatdoshim endi aloqada emasligimni tushunadi.
- Psixolog: “Demak, siz pingvinlar va masxarabozlarga qarshi kurashasizmi?” Betman: "Ey, Xudo, o‘ninchi marta takrorlayman: bitta pingvin va bitta masxaraboz bilan”.
- Nima uchun suv parisi odam bo‘lishni juda xohlaydi? U soliq to‘lashni orzu qiladimi?
- Agar ota-onam menga uka asrab olishlarini aytib, keyin Styuart ismli gapiradigan sichqonchani olib kelishsa, juda qo‘rqqan bo‘lardim.
- O‘zimga 30 yildan beri shu savolni berib kelaman: “Nonushta klubi” filmida Molli Ringvald tushlik qilish uchun uydan sushi olib ketadi. Lekin qanday qilib dim va issiq kutubxonada ovqat 4 soatdan keyin ham aynimasligi mumkin?
- “Dorini izlab” multfilmining eng hayratlanarli tomoni shundaki, rassomlar baliqqa qashqa qo‘shish g‘oyasini qanday o‘ylab topishgan.
- “Qirol sher” multfilmida sher Skar (ma’nosi tirtiq)ning ko‘zida katta chandiq bor. Ya’ni aslida uning ismi boshqa, Skar esa shunchaki taxallusmi?
- “Santa Klaus” filmida ota-onalar Qorbobo borligiga ishonmaydilar. Qiziq, ularning fikricha, sovg‘alar qayerdan keladi?
- Nega Marti Makflayning ota-onasi o‘g‘lining o‘rta maktabda birga o‘qigan yigitiga juda o‘xshashligini payqamaydi?
Izoh (0)