“Daryo” nashri 23-martda O‘zbekiston va jahonda sodir bo‘lgan eng muhim voqealarni e‘tiboringizga havola etadi.
Ukraina va Rossiyaning shiddatli janglari artilleriya o‘qlari va snaryadlar poygasiga aylanmoqda
Qor va loy sharoitida ham shiddatli borayotgan janglar Ukraina armiyasini kuniga 4 000 tadan 7 000 tagacha artilleriya o‘qlarini sarflashga, Rossiyani esa bundan ham ko‘proq snaryadlardan foydalanishga majbur qilyapti.
“Urush shu qadar shiddatli kechmoqdaki, Ukraina kuniga 4 000 dan 7 000 tagacha, Rossiya Federatsiyasi esa 20 000 tagacha artilleriya snaryadlarini ishlatmoqda. Hozir o‘q-dori iste’moli darajasi ishlab chiqarish darajasidan yuqori”, — deydi NATO bosh kotibi Yens Stoltenberg.
Hozirga kelib Ukraina uchun o‘q-dorilar masalasi dolzarbligicha qolmoqda, chunki Putin urushni tugatish niyatida emas. “G‘arb Ukrainani o‘q-dori va qurollar bilan davomli qo‘llab-quvvatlashga tayyorlanishi kerak”, — degan NATO bosh kotibi.
Uning so‘zlariga ko‘ra, Rossiya harbiy-sanoat ishlab chiqarishni ko‘paytirmoqda, shuningdek, qurol-yarog‘ uchun Eron, Shimoliy Koreya va boshqa davlatlarga murojaat qilyapti.
Bo‘lajak prezidentlik saylovlari va “Sibir qudrati-2” gaz quvuri, AQSH rasmiylari nimadan xavotirda?
Ayni vaziyatda Rossiya va Xitoyning yaqinlashishiga imkon berilishi Jo Bayden ma’muriyatining strategik xatosi deya talqin qilmoqda AQSHning sobiq davlat kotibi
Eslatib o‘tamiz, Si Szinpin 20-mart kuni rasmiy tashrif bilan Moskvaga keldi. Siyosatchi Rossiya bosh vaziri Mixail Mishustin bilan muzokaralar olib bordi va davlat rahbari Vladimir Putin bilan ikki marta uchrashdi.
Siyosatchilar Ukrainadagi mojaroni tartibga solishni, 2024-yilda Rossiyada bo‘lib o‘tadigan prezidentlik saylovlarini muhokama qilib, “Sibir qudrati-2” gaz quvurini qurish bo‘yicha kelishuvning asosiy parametrlarini kelishib oldi.
Muzokaralar yakunida esa Putin va Si Szinpin 2030-yilgacha iqtisodiy hamkorlikni rivojlantirish rejasini imzoladi.
Birgalik va ayri pozitsiyalar
Rossiyaga yaqinlashish pozitsiyasi davlatlarda turli xil muhokamalarga sabab bo‘lyapti. Ayni vaziyatda Belarus muxolifatchisi, prezidentlikka sobiq nomzod Svetlana Tixanovskaya Belarusni Rossiya bilan aloqalarni uzishga chaqirdi.
“Ukrainaga hujum qilish va unga tahdid solish” uchun Belarus hududi, havo hududi va infratuzilmasidan harbiy maqsadlarda “erkin foydalanadi”, dedi Tixanovskaya.
Uning aytishicha, Rossiya noqonuniy rejimni qo‘llab-quvvatlab, Belarus milliy o‘zligiga qarshi mustamlakachilik harakatlarini amalga oshirmoqda.
O‘zbekistonda ehtiyojmand oilalarga ijara yerlar, tadbirkorlarga esa bank ustamasisiz kreditlar nima uchun berilmoqda?
Prezident so‘zlariga ko‘ra, oziq-ovqat yetishtirishni ko‘paytirish uchun 2023-yilda 6,2 trillion so‘m ajratiladi. Bu mablag‘ tadbirkorlar va ehtiyojmand oilalarga turli imkoniyatlar ko‘rinishida taqdim etilyapti.
Masalan,1-apreldan 130 million dollar mablag‘ banklar ishtirokisiz, to‘g‘ridan to‘g‘ri tadbirkorlarga ajratiladi. Bunda bank ustamasi bo‘lmaydi va tadbirkor bozorga qaraganda ancha arzon kredit olish imkoniga ega bo‘ladi. Ushbu mablag‘lar mahsulot yetishtirish, qayta ishlash va xarid qilish, texnika sotib olish uchun 10 yilgacha 14 foizdan ajratiladi.
Bundan tashqari, ehtiyojmand aholiga dala atrofidagi yerlar 10 yilga ikkilamchi ijaraga beriladi. Ayni paytda dala chetlariga uzum ko‘chatlari va qovoq urug‘larini, tut ko‘chatlarini ekish, parranda va asalari uyalarini yetkazib berish bo‘yicha mas‘ullarga topshiriqlar berildi.
Izoh (0)