Angliya Kubogi. “Manchester Yunayted” 9 o‘yinchi qolgan “Fulhem” ustidan irodali g‘alabani qo‘lga kiritib, yarim finalga chiqdi (video)

Futbol bo‘yicha Angliya Kubogi chorak finalidan o‘rin olgan qator uchrashuvlar 19-mart, yakshanba kuni bo‘lib o‘tdi.

“Manchester Yunayted” o‘z uyida “Fulhem”ni qabul qildi. Birinchi bo‘limda darvozalar daxlsiz qoldi. Ikkinchi bo‘limning 6-daqiqasida Aleksandar Mitrovich londonliklarni hisobda oldinga olib chiqdi.

72-daqiqada bosh hakam darvozaga qarab ketayotgan to‘pni qo‘li bilan qaytarib qolgan Villianga to‘g‘ridan to‘g‘ri qizil kartochka ko‘rsatdi. Bunga keskin e’tiroz bildirib, hakamni turtgan Mitrovich ham qizil kartochka oldi. Belgilangan penaltini Brunu Fernandesh golga aylantirib, muvozanatni tikladi.

Oradan ko‘p o‘tmay Marsel Zabitser mankunianlarning ikkinchi golini urdi. Ikkinchi bo‘limga qo‘shib berilgan daqiqalarda Frenandesh dublini nishonladi.

Shu tariqa barcha yarim finalchilar nomi ma’lum bo‘ldi:

• “Manchester Yunayted”
• “Manchester Siti”
• “Sheffild Yunayted”
• “Brayton”

Angliya Kubogi

Chorak final bahslari

19-mart, yakshanba

“Manchester Yunayted” – “Fulhem” 3:1

Gollar: 0:1 – 50 Mitrovich, 1:1 – 75, penalti Brunu Fernandesh, 2:1 – 77 Zabitser, 3:1 – 90+6 Brunu Fernandesh.

“Manchester Yunayted”: De Xea, Uan-Bissaka, Maguayr, Martines, Shou, Zabitser, Brunu Fernandesh, Maktominey (Antoni, 58), Sancho, Vegorst, Reshford (Fred, 83).

“Fulhem”: Leno, Tete (Soaresh, 89), Rim, Diop, Robinson, Rid (Jeyms, 89), Pereyra (Kerni, 90), Palinya, Villian, Dekordova-Rid (Solomon, 89), Mitrovich.

Ogohlantirishlar: Pereyra (18), Maguayr (21), Robinson (67).

Chetlatish: Villian (72), Mitrovich (72).

“Sheffild Yunayted” – “Blekbern” 3:2

Gollar: 0:1 – 21, penalti Brereton, 1:1 – 28, avtogol Gallaher, 1:2 – 60 Smodich, 2:2 – 81 Makberni, 3:2 – 90 Doyl.

“Brayton” – “Grimsbi” 5:0

Gollar: 1:0 – 6 Undav, 2:0 – 51 Fergyuson, 3:0 – 70 Fergyuson, 4:0 – 82 March, 5:0 – 90 Mitoma.