Футбол бўйича Англия Кубоги чорак финалидан ўрин олган қатор учрашувлар 19 март, якшанба куни бўлиб ўтди.
“Манчестер Юнайтед” ўз уйида “Фулҳэм”ни қабул қилди. Биринчи бўлимда дарвозалар дахлсиз қолди. Иккинчи бўлимнинг 6-дақиқасида Александар Митрович лондонликларни ҳисобда олдинга олиб чиқди.
72-дақиқада бош ҳакам дарвозага қараб кетаётган тўпни қўли билан қайтариб қолган Виллианга тўғридан тўғри қизил карточка кўрсатди. Бунга кескин эътироз билдириб, ҳакамни туртган Митрович ҳам қизил карточка олди. Белгиланган пенальтини Бруну Фернандеш голга айлантириб, мувозанатни тиклади.
Орадан кўп ўтмай Марсель Забитцер манкунианларнинг иккинчи голини урди. Иккинчи бўлимга қўшиб берилган дақиқаларда Френандеш дублини нишонлади.
Шу тариқа барча ярим финалчилар номи маълум бўлди:
- “Манчестер Юнайтед”
- “Манчестер Сити”
- “Шеффилд Юнайтед”
- “Брайтон”
Англия Кубоги
Чорак финал баҳслари
19 март, якшанба
“Манчестер Юнайтед” – “Фулҳэм” 3:1
Голлар: 0:1 – 50 Митрович, 1:1 – 75, пенальти Бруну Фернандеш, 2:1 – 77 Забитцер, 3:1 – 90+6 Бруну Фернандеш.
“Манчестер Юнайтед”: Де Хеа, Уан-Биссака, Магуайр, Мартинес, Шоу, Забитцер, Бруну Фернандеш, Мактоминей (Антони, 58), Санчо, Вегорст, Рэшфорд (Фред, 83).
“Фулҳэм”: Лено, Тете (Соареш, 89), Рим, Диоп, Робинсон, Рид (Жеймс, 89), Перейра (Керни, 90), Палиня, Виллиан, Декордова-Рид (Соломон, 89), Митрович.
Огоҳлантиришлар: Перейра (18), Магуайр (21), Робинсон (67).
Четлатиш: Виллиан (72), Митрович (72).
“Шеффилд Юнайтед” – “Блекберн” 3:2
Голлар: 0:1 – 21, пенальти Бреретон, 1:1 – 28, автогол Галлаҳер, 1:2 – 60 Смодич, 2:2 – 81 Макберни, 3:2 – 90 Дойл.
“Брайтон” – “Гримсби” 5:0
Голлар: 1:0 – 6 Ундав, 2:0 – 51 Фергюсон, 3:0 – 70 Фергюсон, 4:0 – 82 Марч, 5:0 – 90 Митома.
Изоҳ (0)