Toshkent shahrida Navro‘z umumxalq bayrami munosabati bilan 18-mart kuni Otliq kavaleriya paradi o‘tkaziladi. Bu haqda poytaxt hokimligi matbuot xizmati xabar berdi.
Qayd etilishicha, mazkur parad munosabat bilan soat 17:00 dan 18:00 ga qadar bir necha ko‘chalar qisman yopiladi:
- “O‘zbekiston mehmonxonasi” avtoturargohidan Mahtumquli ko‘chasi bo‘ylab Amir Temur xiyoboni aylanma yo‘ligacha va ushbu aylanma yo‘l;
- Amir Temur xiyobonidan Amir Temur shohko‘chasi bo‘ylab Alisher Navoiy ko‘chasi bilan kesishmasigacha;
- Amir Temur shohko‘chasi va Alisher Navoiy ko‘chasi kesishmasidan Hyatt Regency mehmonxonasi avtoturargohigacha.
“Noqulayliklar uchun uzr so‘raymiz va haydovchilarga aylanma yo‘llardan foydalanishni tavsiya etamiz”, — deyiladi hokimlik xabarida.
Eslatib o‘tamiz, 12-mart kuni Toshkentda yugurish musobaqalari o‘tkazilgani sabab qator ko‘chalar avtomobillar harakati uchun yopilgandi.
Izoh (0)