Toshkent shahrida xalqaro yugurish sport musobaqalari o‘tkazilishi munosabati bilan poytaxtning qator ko‘chalarida transport vositalari harakati cheklanadi. Bu haqda Toshkent hokimi vazifasini bajaruvchi Baxtiyor Rahmonovning qarorida keltirilgan.
Qayd etilishicha, Navro‘z umumxalq bayrami munosabati bilan 12-mart kuni Toshkent shahrida V International Tashkent Marathon xalqaro yugurish sport musobaqalari o‘tkaziladi. Shu sababli 11-mart kuni soat 10:00 dan 12-mart kuni soat 16:00 gacha:
- Afrosiyob ko‘chasi — Islom Karimov shohko‘chasi bilan kesishgan chorrahadan Sharof Rashidov shohko‘chasi bilan kesishgan chorrahagacha;
- Sharof Rashidov shohko‘chasi — Afrosiyob ko‘chasi bilan kesishgan chorrahadan Islom Karimov shohko‘chasi bilan kesishgan chorrahagacha;
- Islom Karimov shohko‘chasi — Sharof Rashidov shohko‘chasi bilan kesishgan chorrahadan Afrosiyob ko‘chasi bilan kesishgan chorrahagacha;
- Afrosiyob ko‘chasi — Beshyog‘och ko‘chasi bilan kesishgan chorrahadan Shahrisabz ko‘chasi bilan kesishgan chorrahagacha;
- Shahrisabz ko‘chasi — Afrosiyob ko‘chasi bilan kesishgan chorrahadan Amir Temur shohko‘chasi bilan kesishgan chorrahagacha;
- Oybek ko‘chasi — Shahrisabz ko‘chasi bilan kesishgan chorrahadan Nukus ko‘chasi bilan kesishgan chorrahagacha;
- Nukus ko‘chasi – Oybek ko‘chasi bilan kesishgan chorrahadan Istiqbol ko‘chasi bilan kesishgan chorrahagacha;
- Abdulla Qodiriy ko‘chasi — Istiqbol ko‘chasi bilan kesishgan chorrahadan Abay ko‘chasi bilan kesishgan chorrahagacha
barcha turdagi transport vositalari harakati vaqtincha cheklanadi, aholi o‘rtasida jamoat tartibini saqlash chora-tadbirlari amalga oshiriladi.
Eslatib o‘tamiz, Toshkent shahridagi bir qator ko‘chalar 19-fevral kuni ham marafon sabab 2,5 soatga yopilgandi.
Izoh (0)