Toshkent shahar Yashnobod tumanidagi Yangi O‘zbekiston ko‘chasida olib chiquvchi yo‘l 1 oy muddatga yopildi. Bu haqda tuman hokimligi matbuot xizmati xabar berdi.
Qayd etilishicha, yo‘l taʼmirlash ishlari olib borilayotgani sababli 4-mart kuni soat 09:00 da 4-aprel kuniga qadar, Cho‘lpon ko‘chasidan Yangi O‘zbekiston shohko‘chasiga olib chiquvchi yo‘l qisman yopiladi. Transport vositalari harakati va Cho‘lpon ko‘chasiga kirish “Jarboshi” arkasining yangi qurilgan yo‘li orqali amalga oshiriladi.
Hokimlik yuzaga kelgan noqulaylik uchun uzr so‘raydi.
Eslatib o‘tamiz, 19-fevral kuni “Men g‘olib” ommaviy yugurish musobaqasi o‘tkazilishi munosabati bilan Toshkentning qator ko‘chalarida avtomobillar harakatlanishiga vaqtinchalik cheklov qo‘yilgandi.
Izoh (0)