Kinoda ba’zida bosh qahramon roli ijrochisining qarindoshi bir necha soniya davomida kadrda paydo bo‘lishi yoki to‘liq epizodik rol o‘ynashi mumkin. Tomoshabin esa ko‘pincha taniqli aktyorning oila a’zosini ekranda ko‘rganini sezmaydi ham.
- Tom Xenks “Nima qilyapsan?” (1996) musiqiy komediyasida ikkinchi darajali rollardan birini o‘ynagan. Epizod rolni uning rafiqasi Rita Uilson, shuningdek, Xenksning birinchi turmushidan bo‘lgan farzandlari — o‘g‘li Kolin va qizi Elizabet Enn ijro etgan.
- “Mister Bin ta’tilda” (2007) komediyasida audiotizimni boshqaradigan qizni Rouen Atkinsonning qizi Lili Atkinson ijro etgan. Aytgancha, filmda ham uning ismi Lili.
- “Vaqt o‘tgan sari” (1995) melodramasida Demi Mur Samanta Albertson rolini, uning qizi Rumer Uillis esa Samantaning singlisi Anjela rolini ijro etgan. Rumer Samantaning yoshligidagi xotirasida aks etgan.
- “Qalbaki pul sotuvchi” (2021) dramatik filmida Shon Penn va uning qizi Dilan Frensis bosh rollarni ijro etgan. Dilan Shon va aktrisa Robin Rayt o‘rtasidagi munosabatlar paytida tug‘ilgan.
- 2021-yilda “Farrosh: Yolg‘iz onaning hikoyasi” mini-seriali ekranlarga chiqdi. Unda bosh rolni Margaret Kuelli, ikkinchi darajali rolni uning onasi, taniqli aktrisa — Endi Makdouell o‘ynadi.
- “Yogachilar” (2016) komediyasida Jonni Depp yovuz ovchi Gay Lapuan rolini o‘ynaydi. Uning qizi Lili-Rouz u bilan birga rol o‘ynagan.
- “Opa-singil Bengerlar” (2002) filmida Syuzan Sarandon ijro etgan qahramonning qizi rolini aktrisaning haqiqiy qizi Yeva Amurri ijro etgan.
- “Yetti” trillerida (1995) Morgan Frimanning o‘g‘li Alfonso barmoq izlari bo‘yicha mutaxassis rolini o‘ynaydi.
- Klint Isvud nafaqat “Gran Torino” (2008) filmida bosh qahramon rolini o‘ynaydi, balki filmga rejissorlik ham qiladi. Unda Istvudning o‘g‘li Skott epizod rolda o‘ynagan.
- Umuman olganda, rejissorlar ko‘pincha o‘z farzandlarini epizodik rollarda suratga olishadi. Masalan, “Forrest Gamp” filmida Robert Zemekisning o‘g‘li avtobusdagi bolakay rolini o‘ynaydi — u yosh Gampning yoniga o‘tirishiga ruxsat bermaydi.
- Aytgancha, “Forrest Gamp” filmida Tom Xenksning qizi ham o‘ynagan.
- “Temir odam-2” (2010) filmida Temir odam niqobidagi bola rolini rejissor Jon Favroning o‘g‘li Maks Favro o‘ynaydi.
- “300 spartalik” (2007) filmida kichkina Leonidasni rejissor Zak Snayderning o‘g‘li Eli Snayder ijro etadi.
- “Katta yumilgan ko‘zlar” (1999) filmida Stenli Kubrikning qizi Katarina Kubrik shifokor kabinetidagi ayol rolini o‘ynaydi. Bemor bola rolini uning o‘g‘li Aleks o‘ynaydi, u ham Kubrikning nabirasi.
- “Terminal” (2004) dramasida Stiven Spilbergning qizi Sasha Spilberg Viktor (Tom Xenks) yordam bermoqchi bo‘lgan chamadonli qiz rolini o‘ynaydi.
- “Qora ritsar: afsonaning qaytishi” (2012) filmida maktab avtobusidagi bolalardan biri — film direktori Kris Nolanning o‘g‘li Rori Nolandir.
Izoh (0)