Машҳур актёр билан қариндошлари ҳам битта фильмда рол ўйнаган, аммо сиз эътибор бермаган ҳолатлар (фото)

Кинода баъзида бош қаҳрамон роли ижрочисининг қариндоши бир неча сония давомида кадрда пайдо бўлиши ёки тўлиқ эпизодик рол ўйнаши мумкин. Томошабин эса кўпинча таниқли актёрнинг оила аъзосини экранда кўрганини сезмайди ҳам.

• Том Хенкс “Нима қиляпсан?” (1996) мусиқий комедиясида иккинчи даражали роллардан бирини ўйнаган. Эпизод ролни унинг рафиқаси Рита Уилсон, шунингдек, Хенкснинг биринчи турмушидан бўлган фарзандлари — ўғли Колин ва қизи Элизабет Энн ижро этган.

• “Мистер Бин таътилда” (2007) комедиясида аудиотизимни бошқарадиган қизни Роуэн Аткинсоннинг қизи Лили Аткинсон ижро этган. Айтганча, фильмда ҳам унинг исми Лили.

• “Вақт ўтган сари” (1995) мелодрамасида Деми Мур Саманта Алберцон ролини, унинг қизи Румер Уиллис эса Самантанинг синглиси Анжела ролини ижро этган. Румер Самантанинг ёшлигидаги хотирасида акс этган.

• “Қалбаки пул сотувчи” (2021) драматик фильмида Шон Пенн ва унинг қизи Дилан Френсис бош ролларни ижро этган. Дилан Шон ва актриса Робин Райт ўртасидаги муносабатлар пайтида туғилган.

• 2021 йилда “Фаррош: Ёлғиз онанинг ҳикояси” мини-сериали экранларга чиқди. Унда бош ролни Маргарет Куэлли, иккинчи даражали ролни унинг онаси, таниқли актриса — Энди Макдоуэлл ўйнади.

• “Ёгачилар” (2016) комедиясида Жонни Депп ёвуз овчи Гай Лапуан ролини ўйнайди. Унинг қизи Лили-Роуз у билан бирга рол ўйнаган.

• “Опа-сингил Бенгерлар” (2002) фильмида Сюзан Сарандон ижро этган қаҳрамоннинг қизи ролини актрисанинг ҳақиқий қизи Ева Амурри ижро этган.

• “Етти” триллерида (1995) Морган Фриманнинг ўғли Алфонсо бармоқ излари бўйича мутахассис ролини ўйнайди.

• Клинт Исвуд нафақат “Гран Торино” (2008) фильмида бош қаҳрамон ролини ўйнайди, балки фильмга режиссёрлик ҳам қилади. Унда Иствуднинг ўғли Скотт эпизод ролда ўйнаган.

• Умуман олганда, режиссёрлар кўпинча ўз фарзандларини эпизодик ролларда суратга олишади. Масалан, “Форрест Гамп” фильмида Роберт Земекиснинг ўғли автобусдаги болакай ролини ўйнайди — у ёш Гампнинг ёнига ўтиришига рухсат бермайди.

• Айтганча, “Форрест Гамп” фильмида Том Хенкснинг қизи ҳам ўйнаган.
• “Темир одам-2” (2010) фильмида Темир одам ниқобидаги бола ролини режиссёр Жон Фавронинг ўғли Макс Фавро ўйнайди.

• “300 спарталик” (2007) фильмида кичкина Леонидасни режиссёр Зак Снайдернинг ўғли Эли Снайдер ижро этади.

• “Катта юмилган кўзлар” (1999) фильмида Стенли Кубрикнинг қизи Катарина Кубрик шифокор кабинетидаги аёл ролини ўйнайди. Бемор бола ролини унинг ўғли Алекс ўйнайди, у ҳам Кубрикнинг набираси.

• “Терминал” (2004) драмасида Стивен Спилбергнинг қизи Саша Спилберг Виктор (Том Хенкс) ёрдам бермоқчи бўлган чамадонли қиз ролини ўйнайди.

• “Қора рицар: афсонанинг қайтиши” (2012) фильмида мактаб автобусидаги болалардан бири — фильм директори Крис Ноланнинг ўғли Рори Ноландир.