Toshkent shahrining Olmazor tumanida joylashgan qariyalar uyining 14 metr uzunlikdagi devori qulab tushdi. Shahar Ichki ishlar bosh boshqarmasi holat yuzasidan maʼlumot berdi.
Xabarga ko‘ra, 14-mart kuni taxminan soat 00:45 larda Olmazor tumani, Guruchariq ko‘chasida joylashgan qariyalar uyining balandligi 3 metr, uzunligi 14 metr bo‘lgan devori qulab tushgan. Devor poytaxtda kuzatilgan kuchli yog‘ingarchilik oqibatida qulab tushgani aytilgan.
Keltirilishicha, hodisa oqibatida devor oldida turgan Nexia-3 ga shikast yetgan. Jarohat olganlar yo‘q.
Izoh (0)