Тошкент шаҳрининг Олмазор туманида жойлашган қариялар уйининг 14 метр узунликдаги девори қулаб тушди. Шаҳар Ички ишлар бош бошқармаси ҳолат юзасидан маълумот берди.
Хабарга кўра, 14 март куни тахминан соат 00:45 ларда Олмазор тумани, Гуручариқ кўчасида жойлашган қариялар уйининг баландлиги 3 метр, узунлиги 14 метр бўлган девори қулаб тушган. Девор пойтахтда кузатилган кучли ёғингарчилик оқибатида қулаб тушгани айтилган.
Келтирилишича, ҳодиса оқибатида девор олдида турган Nexia-3 га шикаст етган. Жароҳат олганлар йўқ.
Изоҳ (0)