Марказий банк 2023 йилнинг 2 ойида аҳолига ажратилган ипотека кредитлари бўйича маълумот берди.
Маълумотларга кўра, жорий йилнинг январь—февраль ойларида 9,2 мингдан ортиқ аҳолига 1,9 трлн сўмлик ипотека кредити ажратилган.
Йил бошидан бери энг кўп ипотека кредитлари берилган ҳудудлар орасида Тошкент шаҳри етакчилик қилмоқда — 633,8 млрд сўм.
Иккинчи ўринни Тошкент вилояти (169,1 млрд сўм) эгаллаган бўлса, Фарғона вилояти (141 млрд сўм) учинчи бўлди.
Ипотека кредитларининг энг кам миқдори Сирдарё вилоятига тегишли — 39,4 млрд сўм.
Бундан ташқари Жиззах (52,8 млрд сўм), Қорақалпоғистон (64,8 млрд сўм) ва Бухорода (72,4 млрд сўм) ҳам нисбатан кам миқдорда кредит ажратилган.
Йил бошидан бери ипотека кредитларининг молиялаштириш манбалари:
- Молия вазирлиги — 1 трлн сўм;
- Банк ўз маблағлари — 652,9 млрд сўм;
- Ипотекани қайта молиялаштириш манбалари — 235,4 млрд сўм.
Аввалроқ йил бошидан бери қанча одамга ипотека кредити берилгани маълум бўлгани ҳақида хабар берилганди.
Изоҳ (0)