Toshkent viloyati Bo‘ka tumanida tez tibbiy yordam avtomashinasida xo‘jalik ishlari qilinayotgani aks etgan surat tarqaldi. Viloyat Sog‘liqni saqlash boshqarmasi holat yuzasidan munosabat bildirdi.
Qayd etilishicha, Bo‘ka tumani aholisi sonidan kelib chiqib 8 ta umumiy profildagi tez tibbiy yordam brigadalari, 1 nafar reanimatsion tez tibbiy yordam brigadasi, jami 9 nafar brigada aholiga tun-u kun tez tibbiy yordam xizmatini ko‘rsatib kelmoqda.
Ma’lum bo‘lishicha, tarqalgan xabarlardagi 10 235 ZAA davlat raqam belgili 2013-yilda ishlab chiqarilgan Damas rusumli maxsus avtomashina tez tibbiy yordam avtomashinasi emas, balki Bo‘ka tumani markaziy oilaviy poliklinika uchun ajratilgan tibbiy xizmat avtomashinasi hisoblanadi.
Ushbu avtomashina aholiga tez tibbiy yordam xizmatini ko‘rsatmaydi. Holatni o‘rganish uchun Toshkent viloyati Sog‘liqni saqlash boshqarmasi tomonidan ishchi guruh tashkil etilgan hamda qonun buzilishiga yo‘l qo‘ygan mutasaddi rahbarlar va ularning xodimlariga intizomiy jazo choralari ko‘riladi.
Izoh (0)