Toshkent shahri Mirobod tumanida 11-mart kuni 11-sinf o‘quvchisi kelishmovchilik sabab sinfdoshini pichoqladi.
Poytaxt IIBB axborot xizmatiga ko‘ra, 11-sinf o‘quvchilari 2006-yilda tug‘ilgan T.A. va 2005-yilda tug‘ilgan O.J. sport maydonchasida basketbol o‘ynayotgan vaqtida o‘zaro og‘zaki gap talashib qolgan.
Shundan so‘ng, 2006-yilda tug‘ilgan T.A. ushbu kelishmovchilikni tinch yo‘l bilan hal qilish o‘rniga, o‘zi bilan olib kelgan pichoqni 2005-yilda tug‘ilgan O.J.ning bel sohasiga bir marotaba urgan.
Oqibatda O.J. tibbiy yordam ko‘rsatilishi uchun shifoxonaga olib borilgan. Hozirda uning holati qoniqarli. Mazkur holat yuzasidan tergov bo‘limi tomonidan Jinoyat kodeksining 277-moddasi (Bezorilik) bilan jinoyat ishi qo‘zg‘atilgan.
Izoh (0)