Yevropa Ligasi. “Arsenal” Lissabonda durang o‘ynadi, “Roma” ispan klubidan ustun keldi

Futbol bo‘yicha Yevropa Ligasi 1/8 final dastlabki bahslari doirasidagi to‘rtta o‘yin 9-mart, payshanba oqshomida bo‘lib o‘tdi.

“Arsenal” Lissabonda “Sporting” mehmoni bo‘ldi. Uchrashuvning 22-daqiqasida londonliklar Vilyam Salibaning goli evaziga oldinga o‘tib oldi. 34-daqiqada maydon egalari muvozanatni tikladi. Ikkinchi bo‘lim boshida Paulinyu portugal klubining ikkinchi golini urdi. 62-daqiqadagi avtogoldan keyin hisob yana tenglashdi. Qolgan vaqtda darvozalar daxlsiz qoldi.

“Roma” o‘z uyida “Real Sosyedad”ni qabul qildi. Stefan ash-Shaaravi va Marash Kumbulaning gollari italyan klubiga g‘alaba olib keldi.

Leverkuzenning “Bayer” jamoasi o‘z maydonida “Ferensvarosh”ni 2:0 hisobida yengdi. “Union” va “Yunion” bellashuvida jangovar durang qayd etildi.

Mazkur juftliklar o‘rtasidagi javob bahslari 16-mart kuni bo‘lib o‘tadi.

Yevropa Ligasi

1/8 final, dastlabki o‘yin

9-mart, payshanba

“Sporting” (Portugaliya) – “Arsenal” (Angliya) 2:2

Gollar: 0:1 – 22 Saliba, 1:1 – 34 Inasiu, 2:1 – 55 Paulinyu, 2:2 – 62, avtogol Morita.

“Sporting”: Adan, Eshgayyu (Diomande, 76), Koates, Sen-Jyust, Inasiu, Mateus Reys, Pedru Gonsalvesh, Morita, Paulinyu (Shermiti, 76), Edvards (Issahaku, 89), Trinkau (Nunu Santush, 71).

“Arsenal”: Tyorner, Uayt, Kiver (Gabriel, 71), Saliba, Zinchenko (Tomiyasu, 63), Jaka, Jorjinyo (Parti, 71), Fabiu Viyeyra, Saka, Nelson (Smit-Rou, 71), Martinelli.

Ogohlantirishlar: Koates (23), Zinchenko (23), Martinelli (43), Morita (58).

“Roma” (Italiya) – “Real Sosyedad” (Ispaniya) 2:0

Gollar: 1:0 – 13 ash-Shaaravi, 2:0 – 87 Kumbula.

“Roma”: Ruy Patrisiu, Karsdorp, Smolling, Lyorente (Kumbula, 46), Manchini, Matich, Kristante, Pellegrini (Veynaldum, 60), Dibala (Bove, 88), Abraham (Belotti, 61), ash-Shaaravi (Spinatssola, 60).

“Real Sosyedad”: Remiro, Gorosabel (Sola, 83), Le Norman, Subeldiya, Riko, Silva (Turriyentes, 83), Ilyarramendi (Mendes, 75), Merino, Subimendi, Kubo (Cho, 75), Syorlot (Oyarsabal, 67).

Ogohlantirishlar: Ilyarramendi (69), Subeldiya (71), Gorosabel (80), Subimendi (85), Oyarsabal (90), Matich (90).

“Union” (Germaniya) – “Yunion” (Belgiya) 3:3

Gollar: 0:1 – 28 Bonifase, 1:1 – 42 Yuranovich, 1:2 – 58 Vertessen, 2:2 – 69 Knoxe, 2:3 – 72 Bonifase, 3:3 – 89 Mixel.

“Bayer” (Germaniya) – “Ferensvarosh” (Vengriya) 2:0

Gollar: 1:0 – 9 Demirbay, 2:0 – 86 Tapsoba.