Futbol bo‘yicha Yevropa Chempionlar Ligasining 1/8 final javob bahslari doirasidagi ikki o‘yin 8-mart, chorshanba oqshomida bo‘lib o‘tdi.
“Bavariya” o‘z maydonida “PSJ”ni qabul qildi. Uchrashuvning birinchi bo‘limida har ikki jamoa vakillarida golga tortadigan vaziyatlar bo‘ldi va kichik ustunlik mehmonlar tomonidan bo‘ldi. Biroq tanaffusga qadar hisob ochilmadi.
61-daqiqada Marko Verrattining himoyadagi xatosidan keyin yuzaga kelgan xavfli vaziyatni Erik Maksim Shupo-Moting gol bilan yakunlab, maydon egalarini oldinga olib chiqdi. Asosiy vaqt yakunlanishi arafasida Serj Gnabri jamoasining qarshi hujumini gol bilan yakunlab, yakuniy hisobni o‘rnatdi.
Shu tariqa Myunxen klubi ikkala o‘yinda ham g‘alaba qozongan holda chorak final yo‘llanmasiga ega chiqdi. “PSJ” esa ketma-ket ikkinchi mavsum 1/8 finaldayoq o‘z yurishini to‘xtatmoqda.
Yana bir o‘yin “Tottenhem” va “Milan” jamoalari o‘rtasida kechdi. Uchrashuvda hisob ochilmadi va milanliklar dastlabki o‘yindagi g‘alaba evaziga keyingi bosqichga yo‘l oldi.
YCHL
1/8 final, javob bahslari
8-mart, chorshanba
“Bavariya” (Germaniya) – “PSJ” (Fransiya) 2:0
Gollar: 1:0 – 61 Shupo-Moting, 2:0 – 89 Gnabri.
“Bavariya”: Zommer, Stanishich, Upamekano, de Ligt, Goretska, Kimmix, Devis, Shupo-Moting (Sane, 68), Myuller (Joau Kanselu, 86), Koman (Gnabri, 86), Musiala (Mane, 82).
“PSJ”: Donnarumma, Hakimi, Ramos, Danilu Pereyra, Markinyos (Mukiyele, 36; Bitshiabu, 46), Mendesh (Bernat, 82), Verratti, Fabian Ruis (Zair-Emeri, 76), Vitinya (Ekitik, 81), Messi, Mbappe.
Dastlabki bahs: 1:0
“Tottenhem” (Angliya) – “Milan” (Italiya) 0:0
“Tottenhem”: Forster, Emerson (Risharlison, 70), Devis, Langle, Romero, Perishich (Porro, 53), Hyoybyerg, Kulusevski (Sanches, 83), Skipp, Son Hyon Min, Keyn.
“Milan”: Menyan, Tomori, Tiav, Kalulu, Ernandes, Krunich, Braim Dias (Bennaser, 81), Tonali, Messias (Salemakers, 56), Jiru (Origi, 81), Rafael Leau (Rebich, 89).
Ogohlantirishlar: Romero (17), Langle (21), Tiav (90+3), Skipp (90+4).
Chetlatish: Romero (78).
Dastlabki bahs: 0:1
Izoh (0)