Futbol bo‘yicha 20 yoshgacha bo‘lgan futbolchilar o‘rtasidagi Osiyo Kubogi—2023 musobaqasining D guruhida 3-tur o‘yinlari 9-mart, payshanba kuni o‘tkazildi.
Yaponiya yoshlari Saudiya Arabistonini 2:1 hisobida mag‘lub etdi. Xitoy va Qirg‘iziston jamoalari ishtirokidagi o‘yinda durang natija qayd etildi.
Yakunda Yaponiya birinchi o‘rin bilan, Xitoy esa ikkinchi pog‘onani egallab, chorak finalga yo‘l oldi.
Shu tariqa chorak finalning barcha juftlari ma’lum bo‘ldi:
- O‘zbekiston — Avstraliya
- Eron — Iroq
- Janubiy Koreya — Xitoy
- Yaponiya — Iordaniya
1/4 final o‘yinlari 11 va 12-mart kunlari o‘tkaziladi. O‘zbekiston ishtirokidagi bahs 11-mart kuni Toshkentdagi “Bunyodkor” stadionida bo‘lib o‘tadi va 19:00 da start oladi.
Qayd etish kerak, yarim final ishtirokchilari U-20 Jahon chempionati yo‘llanmasiga ega chiqadi.
Izoh (0)