Maykl Jordan yetakchi, Lionel Messi — 7, Floyd Meyvezer sakkizinchi o‘rinda. Sportico talqiniga ko‘ra dunyoning eng boy sportchilari

Sportico jurnali tarixdagi eng boy 50 nafar sportchilar ro‘yxatini yangiladi. 

NBA afsonasi Maykl Jordan ro‘yxatda yetakchilik qilmoqda. Sportico sportchilarning faoliyati davomida va undan keyingi daromadlarini hisoblab chiqdi hamda ularni inflyatsiyaga moslashtirdi. 

Daromadlar ish haqi, bonuslar, pul mukofotlari, kitob nashr qilish bo‘yicha bitimlar, chiqishlar va gonorarlarni o‘z ichiga oladi. Shuningdek, homiylik qiluvchi kompaniyalarda aksiyadorlik ulushidan olingan mablag‘lar ham kiritilgan. 

Top-10 lik quyidagicha ko‘rinishga ega:

1. Maykl Jordan (basketbol) – 3,3 mlrd dollar;
2. Tayger Vuds (golf) – 2,5 mlrd dollar;
3. Arnold Palmer (golf) – 1,7 mlrd dollar;
4. Jek Niklaus (golf) –1,63 mlrd dollar;
5. Krishtianu Ronaldu (futbol) – 1,58 mlrd dollar;
6. Lebron Jeyms (basketbol)– 1,53 mlrd dollar;
7. Lionel Messi (futbol) – 1,48 mlrd dollar;
8. Floyd Meyvezer (boks) – 1,41 mlrd dollar;
9. Rojer Federer (tennis) – 1,38 mlrd dollar;
10. Fil Mikelson (golf) – 1,36 mlrd dollar.

To‘liq ro‘yxat bilan bu yerda tanishish mumkin.