Yevropa Ligasi. “Manchester Yunayted” 5 ta gol urilgan o‘yinda “Betis”ga imkon qoldirmadi, “Yuventus” va “Sevilya”da ham g‘alaba

Futbol bo‘yicha Yevropa Ligasi 1/8 final dastlabki bahslari doirasidagi o‘yinlar 9-mart, payshanba oqshomida bo‘lib o‘tdi.

“Manchester Yunayted” o‘z uyida “Betis”ni qabul qildi. Uchrashuvning 6-daqiqasida Markush Reshford inglizlarni oldinga olib chiqdi. Bunga mehmonlar 32-daqiqada javob qaytardi.

Ikkinchi bo‘lim boshida Antoni jamoasining ikkinchi golini urdi. oradan ko‘p o‘tmay Brunu Fernandesh oradagi farqni oshirdi. 82-daqiqada Vaut Vegorst yakuniy hisobni o‘rnatdi — 4:1.

“Yuventus” Anxel di Mariyaning 53-daqiqadagi goli evaziga “Frayburg”dan ustun keldi. “Sevilya” o‘zida “Fenerbahche”ni mag‘lub etgan bo‘lsa, “Shaxtyor” va “Feyenoord” jamoalari o‘zaro murosa yo‘lini tanladi.

Mazkur juftliklar o‘rtasidagi javob bahslari 16-mart kuni bo‘lib o‘tadi.

Yevropa Ligasi

1/8 final, dastlabki o‘yin

9-mart, payshanba

“Manchester Yunayted” (Angliya) – “Betis” (Ispaniya) 4:1

Gollar: 1:0 – 6 Reshford, 1:1 – 32 Peres, 2:1 – 52 Antoni, 3:1 – 58 Brunu Fernandesh, 4:1 – 82 Vegorst.

“Manchester Yunayted”: De Xea, Diogu Dalot (Uan-Bissaka, 46), Varan, Martines, Shou (Malasia, 65), Kazemiro, Fred (Maktominey, 82), Brunu Fernandesh, Vegorst, Reshford (Sancho, 65), Antoni (Pelistri, 82).

“Betis”: Bravo, Sabali, Pesselya, Luis Felipe, Abner, Xoakin (Kanales, 59), Vilyam Karvalyu, Rodriges (Guardado, 65), Xuanmi (Villian Joze, 80), Peres (Iglesias, 65), Luis Enrike (Ruibal, 59).

Ogohlantirishlar: Vegorst (56), Brunu Fernandesh (68).

“Yuventus” (Italiya) – “Frayburg” (Germaniya) 1:0

Gol: 1:0 – 53 Di Mariya.

“Yuventus”: Shensni, Aleks Sandro (Bonuchchi, 23), Danilo, Bremer, Kuadrado, Kostich (Kin, 78), Di Mariya, Rabyo, Lokatelli, Miretti (Fajoli, 46), Vlahovich (Kyeza, 67).

“Frayburg”: Flekken, Kyubler, Ginter, Linhart (Gulde, 68), Sildiyya, Gyunter, Hefler, Eggeshtayn (Kaytel, 59), Grifo, Shallai (Doan, 59), Heler (Gregorich, 88).

Ogohlantirishlar: Ginter (24), Heler (51), Bremer (72), Bonuchchi (84).

“Sevilya” (Ispaniya) – “Fenerbahche” (Turkiya) 2:0

Gollar: 1:0 – 56 Jordan, 2:0 – 85 Lamela.

“Shaxtyor” (Ukraina) – “Feyenoord” (Niderlandiya) 1:1

Gollar: 1:0 – 79 Rakitskiy, 1:1 – 88 Bulyaude.