Orol dengizi sathi qariyb yarim metrgacha ko‘tarildi. Bu haqda Qizilo‘rda viloyati hokimligi matbuot xizmati xabar berdi.
Orol-Sirdaryo havza inspeksiyasi boshlig‘i Zeynulla Kaztoganovning maʼlum qilishicha, bugungi kunga qadar Shimoliy Orol dengizida to‘plangan suv hajmi 27 milliard kub metrdan 18,5 milliard kub metrgacha, suv sathi esa 40,42 mB.B.gacha pasaygan.
2022-yilning oktabridan hozirgi kunga qadar dengiz sathi 40,90 mBS yoki 48 santimetrgacha ko‘tarilgan. To‘plangan suv hajmi esa 19,7 milliard kub metrni tashkil qilgan. O‘tgan yili Orol dengiziga 816 million kub metr suv kelib tushgan. Birgina 2023-yilning dastlabki ikki oyida 803 million kubometr quyildi.
Maʼlumot uchun, Orol dengizi qurishi oqibatida ikkita suv havzasiga — Shimoliy va Janubiy Orolga ajralgan. Shimoliy Orol — Qozog‘iston hududida joylashgan.
5—7-iyun kunlari Dushanbe shahrida Orol dengizini qutqarish xalqaro jamg‘armasi tashkil etilganining 30 yilligiga bag‘ishlangan xalqaro konferensiya bo‘lib o‘tadi. Unda o‘zbekistonlik mutaxassislar va olimlar ham ishtirok etadi.
Shuningdek, Dushanbeda 14 va 15-sentabr kunlari Markaziy Osiyo davlatlari rahbarlarining beshinchi maslahat uchrashuvi munosabati bilan Orol dengizini qutqarish jamg‘armasi taʼsischilari – davlatlar prezidentlarining uchrashuvi bo‘lib o‘tadi.
Izoh (0)