“PSJ” Fransiya chempionatining 26-turida “Nant” ustidan 4:2 hisobidagi g‘alabani qo‘lga kiritdi. Uchrashuvda parijliklar safida Lionel Messi va Kilian Mbappe bittadan to‘p kiritishga muvaffaq bo‘ldi.
Argentinalik futbolchi klub futboli faoliyatidagi 1000-samarali harakatni amalga oshirdi. Messi “Barselona” va “PSJ” safidagi 841 o‘yinda 701 gol hamda 299 ta assist muallifiga aylangan.
Messi 2022/23-yilgi mavsumda “PSJ” va Argentina terma jamoasi safida 30 ta gol urdi va 20 ta golli uzatma amalga oshirdi. Leo Liga 1 joriy mavsumida “gol+pas” tizimida yetakchilik qilmoqda (13+12).
Mbappe esa “PSJ” safidagi 201-golini urgan holda Edinson Kavanini ortda qoldirib, Parij klubi tarixidagi eng yaxshi to‘purarga aylandi.
Uchrashuvdan keyin fransiyalik futbolchiga ushbu rekord munosabati bilan maxsus sovrin topshirildi.
Kilian “PSJ” safida joriy mavsum barcha musobaqalar doirasidagi 30 o‘yinda 30 ta gol urdi. 24 yoshli futbolchi 18 ta gol bilan Fransiya ligasi to‘purarlari ro‘yxatida yetakchilik qilmoqda.
Izoh (0)