“ПСЖ” Франция чемпионатининг 26-турида “Нант” устидан 4:2 ҳисобидаги ғалабани қўлга киритди. Учрашувда парижликлар сафида Лионель Месси ва Килиан Мбаппе биттадан тўп киритишга муваффақ бўлди.
Аргентиналик футболчи клуб футболи фаолиятидаги 1000-самарали ҳаракатни амалга оширди. Месси “Барселона” ва “ПСЖ” сафидаги 841 ўйинда 701 гол ҳамда 299 та ассист муаллифига айланган.
Месси 2022/23 йилги мавсумда “ПСЖ” ва Аргентина терма жамоаси сафида 30 та гол урди ва 20 та голли узатма амалга оширди. Лео Лига 1 жорий мавсумида “гол+пас” тизимида етакчилик қилмоқда (13+12).
Мбаппе эса “ПСЖ” сафидаги 201-голини урган ҳолда Эдинсон Каванини ортда қолдириб, Париж клуби тарихидаги энг яхши тўпурарга айланди.
Учрашувдан кейин франциялик футболчига ушбу рекорд муносабати билан махсус соврин топширилди.
Килиан “ПСЖ” сафида жорий мавсум барча мусобақалар доирасидаги 30 ўйинда 30 та гол урди. 24 ёшли футболчи 18 та гол билан Франция лигаси тўпурарлари рўйхатида етакчилик қилмоқда.
Изоҳ (0)