A Seriya. “Milan” safarda “Fiorentina”ga mag‘lub bo‘ldi

Futbol bo‘yicha Italiya A Seriyasining 25-turidan o‘rin olgan o‘yinda “Milan” 4-mart kuni “Fiorentina” maydoniga safar qildi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limni florensiyaliklar faol boshladi va penalti ishladi. Nikolas Gonsales penaltini aniq amalga oshirib, hisobni ochdi. 87-daqiqada Luka Yovich hisobni ishonchli ko‘rinishga olib keldi. O‘yin so‘ngida Teo Ernandes hisobni qisqartirdi, biroq bu gol milanliklarga yetarli bo‘lmadi. 

“Fiorentina” ochkolari sonini 31 taga yetkazib, 11-o‘ringa ko‘tarilib oldi. “Milan” esa 47 ochko bilan 4-pog‘onani band etgan. 

A Seriya

25-tur bahsi

4-mart, shanba

“Fiorentina” — “Milan” 2:1

Gollar: 1:0 – 49 Gonsales (penalti), 2:0 – 87 Yovich, 2:1 — 90+5 Ernandes.

“Fiorentina”: Terrachchano, Dodo, Martines, Igor Julio, Biragi (Ranyeri, 74), Barak, Bonaventura (Kastrovilli, 81), Amrabat, Mandragora, Ikone, Artur (Yovich, 81), Gonsales.

“Milan”: Menyan, Tomori, Tiav, Kalulu, Ernandes, Bennaser (Bakayoko, 66), Tonali, de Ketelare (Adli, 83), Messias (Salemakers, 74), Jiru (Ibrahimovich, 66), Rebich (Origi, 66).

Ogohlantirishlar: Tiav (12), Artur (29), Messias (35), Ikone (59), Gonsales (70), Italyano (78), Kalulu (80).