А Серия. “Милан” сафарда “Фиорентина”га мағлуб бўлди

Футбол бўйича Италия А Сериясининг 25-туридан ўрин олган ўйинда “Милан” 4 март куни “Фиорентина” майдонига сафар қилди.

Учрашувнинг биринчи бўлимида дарвозалар ишғол этилмади. Иккинчи бўлимни флоренсияликлар фаол бошлади ва пенальти ишлади. Николас Гонсалес пенальтини аниқ амалга ошириб, ҳисобни очди. 87-дақиқада Лука Йович ҳисобни ишончли кўринишга олиб келди. Ўйин сўнгида Тео Эрнандес ҳисобни қисқартирди, бироқ бу гол миланликларга етарли бўлмади. 

“Фиорентина” очколари сонини 31 тага етказиб, 11-ўринга кўтарилиб олди. “Милан” эса 47 очко билан 4-поғонани банд этган. 

А Серия

25-тур баҳси

4 март, шанба

“Фиорентина” — “Милан” 2:1

Голлар: 1:0 – 49 Гонсалес (пенальти), 2:0 – 87 Йович, 2:1 — 90+5 Эрнандес.

“Фиорентина”: Терраччано, Додо, Мартинес, Игор Жулио, Бираги (Ранери, 74), Барак, Бонавентура (Кастровилли, 81), Амрабат, Мандрагора, Иконе, Артур (Йович, 81), Гонсалес.

“Милан”: Менян, Томори, Тиав, Калулу, Эрнандес, Беннасер (Бакайоко, 66), Тонали, де Кетеларе (Адли, 83), Мессиас (Салемакерс, 74), Жиру (Ибраҳимович, 66), Ребич (Ориги, 66).

Огоҳлантиришлар: Тиав (12), Артур (29), Мессиас (35), Иконе (59), Гонсалес (70), Италяно (78), Калулу (80).