Gollivud yulduzlarining yillar o‘tgach, ko‘pchilikning yodidan chiqib ketgan noodatiy rollari

Jim Kerri yoshligida pushtirang, mushukka o‘xshash o'zga sayyoralik rolini o”ynaganiga ishonish qiyin, Kianu Rivz esa jasur va mard ritsarni emas, balki qo‘rqoq yovuz odamni o‘ynagan.

Marlon Jeyms — Kianu Rivz

1990-yilda Kianu Rivz o‘zi uchun juda noodatiy rolda — “Seni toabad sevaman” komediyasida qo‘rqoq qotil Marlon Jeymsni o‘ynaydi.

Devid Vuderson — Metyu Makkonahi

Dastlab Makkonaxi 1993-yilda suratga olingan “Sarosima” filmda rol o‘ynamasligi kerak edi. Rol shunchalik kichik ediki, film ijodkorlari rolni mahalliy aktyorlardan biriga qoldirishga qaror qilishadi. Ammo bir kuni kechqurun kinematografiya fakultetida tahsil olayotgan Makkonaxi do‘sti ishlaydigan muassasaga keladi. Unga qo‘shni stollardan birida kasting direktori o‘tirganini aytishadi. Makkonaxi u bilan gaplashadi va rolni oladi. Faqat rejissor norozi bo‘ladi, chunki u Makkonaxini bu personaj uchun juda chiroyli deb hisoblaydi.

Uiplok — Jim Kerri

“Yerlik qizlarga osonroq” (1988) ilmiy-fantastik filmida Jim Kerri Yerlik ayollarining go‘zalligidan shunchalik hayratda qolgan, ikki do‘sti bilan sayyoramizga qo‘nishga qaror qilgan pushtirang o‘zga sayyoralik Uiplok rolini o‘ynaydi. Yerliklarga o‘xshash uchun mo‘ynalarini qirqib olganlaridan so‘ng Uiplok va uning do‘stlari ayollar uchun juda jozibali bo‘lib qoladilar.

Robert Pronj — Kris Evans

2012 yilda Kris Evans “Muzli” kriminal trillerida asosiy rollardan birini — Robert Pronj ismli qotilni o‘ynaydi. Film real voqealar asosida suratga olingan.

Kigan — Jeyson Momoa

Jeyson Momoa “Shiddatli” (2012) filmida kichik rol — yollanma ishchi Kiganni o‘ynaydi. Buning uchun aktyor soqolini olishi, baquvvat iyagi va yuz xususiyatlarini namoyish qilishi kerak edi.

Dreksl Spayvi — Gari Oldman

Gari Oldman “Haqiqiy sevgi” (1993) filmida bor-yo‘g‘i bir necha daqiqa ekran vaqtiga ega bo‘lgan, ammo u ulardan tomoshabinlar va tanqidchilarni o‘ziga tortadigan tarzda foydalangan. Tarantino tomonidan yozilgan ushbu kriminal filmda Oldman yovuz qahramon Dreksl Spayvini gavdalantirgan va ba'zi tanqidchilarga ko‘ra, bu rol aktyor faoliyatidagi eng yaxshisi bo‘lgan.

Kapitan Huk — Dastin Xoffman

Dastin Xofman film ssenariysi yozilmasdanoq kapitan Huk roliga tasdiqlangan. Qizig‘i shundaki, Kapitan Huk (1991) rejissori Stiven Spilberg Maykl Jekson ishtirokidagi musiqiy film yaratish haqida o‘ylaydi va hatto Dastin Xofman bilan qo‘shiqlaridan birini yozib oladi. Ammo oxir-oqibat u bu rejasidan voz kechadi va qo‘shiqni filmdan olib tashlaydi.

Joanna Xoffman — Keyt Uinslet

Stiv Djobsning biografik filmida Keyt Uinslet marketing bo‘yicha menejer va Jobsga ta'sir ko‘rsatishi mumkin bo‘lgan kam sonli kishilardan biri bo‘lgan Joanna Xoffman rolini o‘ynaydi. Aktrisaning o‘zi uni tadbirkorning “ishchi rafiqasi” deb ta’riflagan.

Keyt kasting haqida tasodifan bilib qoladi va darhol unda rol o‘ynash istagi tug‘iladi. “Men internetda Xoffmanning qanday ko‘rinishini topdim, erimni parik do‘koniga borishga ko‘ndirdim. Kalta qora sochli parik sotib oldim va undagi suratimni prodyuserga yubordim”. Aktrisa tez orada u “Oltin globus” va BAFTA mukofotiga sazovor bo‘lgan rolga ega bo‘ladi.

Karen Silkvud — Meril Strip

“Silkvud” (1983) biografik dramasida Meril Strip fabrikada xavfsizlik buzilishini ommaga oshkor qilmoqchi bo‘lgan kimyogar Karen Silkvud rolini o‘ynaydi. Ushbu roli uchun aktrisa “Oskar” mukofotiga nomzod bo‘lgan.