Dunyoga mashhur britaniyalik xonanda Adel o‘zining sevgilisi, 41 yoshli sport agenti Rich Pol bilan turmush qurmoqda, deb yozadi “Korrespondent.net” nashri.
Xabarlarga ko‘ra, juftlik 2023-yilning yozida turmush quradi. Biroq hozircha Adel va Rich Pol bu ma’lumotga izoh bermagan. O‘tgan dam olish kunlari xonanda Las-Vegasda konsert berdi. Tadbirda ishtirok etgan Adelning qo‘lida katta olmosli nikoh uzugi bor edi.
Daily Mail nashrining yozishicha, Adel bir yil davomida ushbu zargarlik buyumini taqib yurgan, bu esa xonandaning sevgilisi unga ancha oldin turmush qurish taklifini bildirganini anglatadi.
Ma’lumot o‘rnida, Adel 1988-yilning 5-may sanasida Buyuk Britaniyada tug‘ilgan. Xonanda to‘rt yoshidan qo‘shiq kuylay boshlaydi va bu uning sevimli mashg‘ulotiga aylanadi. Adel ijodiy faoliyati davomida “Oskar”, “Gremmi”, “Oltin globus” mukofotlarini qo‘lga kiritgan. U 2019-yilning aprel oyida birinchi turmush o‘rtog‘i Saymon Konekki bilan ajrashganini ma’lum qilgan edi.
Izoh (0)