Futbol bo‘yicha U-20 Osiyo Kubogi—2023 1-turida Indoneziya va Iroq yoshlar terma jamoalari 1-mart kuni o‘zaro to‘qnash keldi.
Uchrashuvning 28-daqiqasida Haydar Abdulkarim iroqliklarni hisobda oldinga olib chiqdi. Birinchi bo‘lim yakunida Iroq vakillari Charbil Shamunning chetlatilishidan keyin bir o‘yinchi kam bo‘lib qoldi.
Kamchilik qolganiga qaramay arablar ikkinchi bo‘limda o‘yinni nazorat qildi va 74-daqiqada hisobni oshirishi mumkin edi. Biroq Abdulrazzoq Qosim penaltidan unumli foydalana olmadi. Hakam tomonidan qo‘shib berilgan vaqt yakunlanib borayotganda iroqliklar ikkinchi to‘pni ham kiritdi.
Shu tariqa Iroq o‘z hisobiga uch ochko yozdirib qo‘ydi. Guruhning ikkinchi o‘yini O‘zbekiston va Suriya terma jamoalari o‘rtasidagi kechadi. O‘yin 19:00 da start oldi.
U-20 Osiyo Kubogi—2023
1-tur bahsi
1-mart, chorshanba
Indoneziya U-20 — Iroq U-20 0:2
Gollar: 0:1 – 28 Abdulkarim, 0:2 – 90+6 Jamil.
Chetlatish: Shamun (45+1).
Izoh (0)