Футбол бўйича U-20 Осиё Кубоги—2023 1-турида Индонезия ва Ироқ ёшлар терма жамоалари 1 март куни ўзаро тўқнаш келди.
Учрашувнинг 28-дақиқасида Ҳайдар Абдулкарим ироқликларни ҳисобда олдинга олиб чиқди. Биринчи бўлим якунида Ироқ вакиллари Чарбил Шамуннинг четлатилишидан кейин бир ўйинчи кам бўлиб қолди.
Камчилик қолганига қарамай араблар иккинчи бўлимда ўйинни назорат қилди ва 74-дақиқада ҳисобни ошириши мумкин эди. Бироқ Абдулраззоқ Қосим пенальтидан унумли фойдалана олмади. Ҳакам томонидан қўшиб берилган вақт якунланиб бораётганда ироқликлар иккинчи тўпни ҳам киритди.
Шу тариқа Ироқ ўз ҳисобига уч очко ёздириб қўйди. Гуруҳнинг иккинчи ўйини Ўзбекистон ва Сурия терма жамоалари ўртасидаги кечади. Ўйин 19:00 да старт олди.
U-20 Осиё Кубоги—2023
1-тур баҳси
1 март, чоршанба
Индонезия U-20 — Ироқ U-20 0:2
Голлар: 0:1 – 28 Абдулкарим, 0:2 – 90+6 Жамил.
Четлатиш: Шамун (45+1).
Изоҳ (0)