Jizzax viloyati G‘allaorol tumanida tegishli hujjatsiz 358 kilogramm go‘sht olib ketayotgan mashina to‘xtatib qolindi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, holat 27- fevral soat tungi 01:45 larda G‘allaorol tumani Ko‘kgumbaz MFY hududida joylashgan “Sangzor-15” YPX maskanida aniqlangan. Mazkur hududda xizmat olib borayotgan boshqarma JXX JTSB karantin guruhi xodimlari viloyat veterinariya va chorvachilikni rivojlantirish boshqarmasi xodimlari hamkorligida Samarqand-Toshkent yo‘nalishi bo‘yicha harakatlanib ketayotgan, Buxoro viloyati G‘ijduvon tumanida yashovchi fuqaro boshqaruvidagi Cobalt to‘xtatib tekshirilgan.
Shunda haydovchi yukxona va salonda jami 358 kilogramm go‘shtni hech qanday hujjatlarsiz veterinariya-sanitariya talablariga zid ravishda Toshkent shahriga sotish maqsadida olib ketayotgani aniqlangan. Hujjatlashtirish va tekshiruvdan o‘tkazish maqsadida go‘sht vaqtincha saqlash uchun muzxonaga joylashtirilgan. Hozirda tergovga qadar tekshiruv olib borilmoqda.
Izoh (0)