Moskva Strategik hujum qurollarini qisqartirish va tarqatmaslik to‘g‘risidagi shartnomada ishtirokini davom ettirishi uchun kollektiv G‘arb Rossiyaning xavfsizlik muammolariga munosabatini o‘zgartirishi kerak. Bu haqda Rossiya prezidenti matbuot kotibi Dmitriy Peskov “Izvestiya” nashriga bergan intervyusida ma’lum qildi.
Uning qayd etishicha, birinchi navbatda, AQSH kollektiv G‘arbning yetakchisi sifatida bu boradagi siyosatini qayta ko‘rib chiqishi kerak.
“Albatta, shartlar qandaydir tarzda o‘zgarishi kerak. Mamlakatimizning o‘z xavfsizligi uchun qayg‘urishi, uning bo‘linmasligi haqidagi tezislarni tushunishda AQSH boshchiligidagi kollektiv G‘arb davlatlarining konseptual yondashuvi o‘zgarishi kerak. Ya’ni, bir davlat xavfsizligini boshqa davlat xavfsizligi hisobiga ta’minlab bo‘lmaydi”, — dedi Peskov
Rossiyaning Strategik qurollarni qisqartirish bo‘yicha shartnomadagi ishtirokini to‘xtatish to‘g‘risidagi qarori
21-fevral kuni Rossiya Federal Majlisiga murojaati chog‘ida Putin mamlakat bu shartnomadagi ishtirokini vaqtinchalik to‘xtatishini e’lon qildi. Ertasi kuni Rossiya davlat dumasi tegishli qonunni qo‘llab-quvvatladi. AQSH davlat kotibi Entoni Blinken bu qarorni “mas’uliyatsizlik” deb atadi. U Vashington “Rossiya aslida nima qilayotganini diqqat bilan kuzatishi” va xavfsizlik nuqtayi nazaridan harakat qilishini bildirdi. Britaniya Putin o’z siyosiy manfaatlari uchun global xavfsizlikni xavf ostiga qo‘yayotganini ta’kidladi.
Izoh (0)