Norvegiya janubidagi Hå Gamle Prestegard muzeyida saqlanayotgan, 8300 yil avval mezolit davrida yashagan o‘smirning tashqi ko‘rinishi rekonstruksiya qilindi. Bu haqda Live Science nashri xabar berdi.
Arxeologlar Norvegiyaning Randaberg kommunasidagi o‘rta tosh davriga oid g‘ordan norveg tilida “Vistalik bola” degan ma’noni anglatuvchi Vistegutten taxallusli o‘smirning qoldiqlarini aniqladi. Tadqiqotchilar 15 yoshli bolaning bosh suyagi g‘ayrioddiy ekani, jumladan, bosh suyagi juda erta o‘sganini ma’lum qildi.
Shuningdek, bosh yon tomonga emas, orqaga qarab o‘sgani o‘smirda skafosefaliya kasalligi aniqlanganiga ishora qiladi. Olimlar bolaning bo‘yi 1,25 metrni tashkil etgani, bu hatto mezolit uchun ham kichik o‘sish hisoblanishini aytdi. Bolaning suyak qoldiqlari uning sog‘lom va yaxshi ovqatlanganini ko‘rsatadi.
Bundan tashqari, arxeologlar topilma joyida ko‘plab hayvon qoldiqlarini aniqlangan, bu esa oziq-ovqatning yetarli bo‘lganini ko‘rsatadi. Voqea joyida oshxona chiqindilari, suyak bezaklari va baliq ovlash qurollari ham topilgan. Bu hududda qadimgi odamlar yashab, mehnat qilganidan dalolat beradi.
Izoh (0)