Қашқадарё вилояти Косон туманидаги туғуруқхонада она ва чақалоқ вафот этди. Бу ҳақда марҳуманинг турмуш ўртоғи томонидан йўлланган видеомурожаатда маълум қилинди.
Таъкидланишича, “Бешқўтон” маҳалласида яшовчи фуқаро Б.Ф. хотини Б.М.нинг туғуруқ жараёнига яқинлашгани сабабли шифохонага олиб борган. Ultraтовушли текшириш аппарати аёл ва ҳомиланинг соғломлигини кўрсатган.
Тўлғоқ бошлангач соат 15:00 да шифокорлар аёлни алоҳида палатага олиб кирган. Эркак ёзиб берилган дориларни олиб қайтач, соат 17:00 да палатага кирган. Аёл эрига қараб, “Дадаси, мени қутқаринг, ўляпман”, деб айтган. Эркак эса шифокордан чақалоқни операция қилиб туғдиришни сўраган.
Қашқадарё вилоят прокуратураси матбуот котиби Соҳиб Ғайбуллаевнинг “Дарё”га маълум қилишича, туғуруқ комплексида 1991 йилда туғилган аёлнинг аҳволи оғирлашиб, вафот этгани ҳолати юзасидан ҳозирда туман прокуратураси томонидан қўшимча терговга қадар текширув ҳаракатлари олиб борилмоқда.
Ҳолат юзасидан тегишли экспертиза тайинланган. Текширувнинг бориши алоҳида назоратга олинган.
Изоҳ (0)