Toshkent shahri Mirobod tumanida 24-fevral kuni avtobus haydovchilari yo‘lovchi talashib janjallashdi. Poytaxt IIBB axborot xizmati holat yuzasidan munosabat bildirdi.
Ma’lum bo‘lishicha, Farg‘ona yo‘li ko‘chasida 617-sonli avtobus haydovchisi B.B. va 93-sonli avtobus haydovchisi A.O‘. o‘zaro mijoz talashgan.
Ular bir-birining yo‘lini to‘sgani sababli o‘rtada kelishmovchilik yuzaga kelgan. Shundan so‘ng haydovchilar B.B. va A.O‘. jamiyatda yurish-turish qoidalarini qasddan mensimasdan, o‘zaro janjallashib, jamoat tartibini buzgan.
Mazkur holat yuzasidan Mirobod tumani IIO FMB tomonidan Ma’muriy javobgarlik to‘g‘risidagi kodeksning 183-moddasi (mayda bezorilik) bilan ma’muriy bayonnoma rasmiylashtirilgan. To‘plangan hujjatlar o‘rnatilgan tartibda ko‘rib chiqish uchun sudga taqdim etiladi.
Izoh (0)