Sirdaryoda YPX maskanida kelib chiqishi nomaʼlum bo‘lgan 2,6 tonna hayvon go‘shti to‘xtatib qolindi. Bu haqda Veterinariya va chorvachilikni rivojlantirish qo‘mitasi axborot xizmati xabar berdi.
Xabarga ko‘ra, holat viloyat Veterinariya va chorvachilikni rivojlantirish boshqarmasi hamda viloyat Ichki ishlar boshqarmasi JXX JTSB karantin guruhi mutaxassislari “Sirdaryo” YPX maskanida o‘tkazgan tadbirda aniqlangan. Hech qanday hujjatlarsiz, kelib chiqishi nomaʼlum bo‘lgan 2590 kilogramm hayvon go‘shtini Toshkentga olib kelayotgan tadbirkor faoliyatiga chek qo‘yildi.
Samarqand—Toshkent yo‘nalishida harakatlanib kelayotgan Isuzu xolislar ishtirokida to‘xtatilib tekshirilganda, Kattaqo‘rg‘on tumanida yashovchi, 1999-yilda tug‘ilgan A.R. boshqaruvidagi avtotransport yukxonasida hech qanday hujjatlarsiz, kelib chiqishi nomaʼlum bo‘lgan 2590 kilogramm hayvon go‘shti borligi aniqlandi.
Viloyat Hayvonlar kasalliklari tashxisi va oziq-ovqat mahsulotlari xavfsizligi davlat markazi mutaxassislari tomonidan laboratoriya tekshiruvlari uchun namunalar olindi. Olingan go‘sht mahsulotlari vaqtincha saqlash uchun Guliston shahar, Quruvchilar ko‘chasi 1-uyda joylashgan Bunyodkor Go‘sht–Sut Invest Trade MCHJ muzxonasiga joylashtirildi.
Avtotransport vositalari tegishli tartibda qonuniy chora ko‘rish uchun viloyat Ichki ishlar boshqarmasi JXX yo‘l harakati xavfsizligi boshqarmasi jarima maydoniga joylashtirildi. Hozirda holat yuzasidan surishtiruv o‘tkazilmoqda.
Izoh (0)