Ohangaronda Spark haydovchisi piyodani urib yuborib, voqea joyidan qochib ketdi

Toshkent viloyatining Ohangaron tumanida Spark haydovchisi piyodani urib yuborib, uning o‘limiga sababchi bo‘ldi.

Yo‘l harakati xavfsizligi xizmati matbuot xizmatining ma’lum qilishicha, voqea 13-dekabr kuni soat 9:45 larda Ohangaron tumani hududidan o‘tgan Olmaliq—Toshkent yo‘lida yuz bergan. Spark haydovchisi yo‘lning o‘rtasida harakatlanib ketayotgan piyodani urib yuborib, unda yordam ko‘rsatmasdan voqea joyidan ketib qolgan.

Oqibatda piyoda vafot etgan.

Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) va 117-moddasi (xavf ostida qoldirish) bilan jinoyat ishi qo‘zg‘atilgan.

Mavzuga doir:

• Surxondaryoda yerda yotgan mast kishini mashina bosib ketdi
• Qarshida 13 yoshli qizni urib yuborib, voqea joyidan qochib ketgan Cobalt haydovchi topildi