Фарғонада Cobalt пиёда аёлни уриб юборди (видео)

Фарғона вилоятида 2 пиёда ўлими билан боғлиқ йўл-транспорт ҳодисалари содир бўлган. Бу ҳақда Ички ишлар вазирлиги матбуот хизмати хабар берди.

Қайд этилишича, 19 февраль куни Фарғона вилоятининг Олтиариқ туманида Spark автомобилини бошқариб келаётган ҳайдовчи йўлнинг белгиланмаган қисмидан кесиб ўтаётган 59 ёшли пиёдани уриб юборган. Оғир тан жароҳати олиш оқибатида жабрланувчи шифохонага олиб кетилаётган вақтда вафот этган.

Шунингдек, ўша куннинг ўзидаёқ Фарғона шаҳар “Мурувват” маҳалласида Cobalt ҳайдовчи аёл пиёдани уриб юборган. Оқибатда жабрланган фуқаро зудлик билан шифохонага олиб борилган. У ерда кўрсатилган тиббий муолажаларга қарамасдан пиёда вафот этган.

Аввалроқ Тошкент вилоятида “Жигули” йўл четидаги икки кишини уриб юборгани ва пиёдалар вафот этгани тўғрисида хабар берилганди.