Buxoro viloyati Qorovulbozor tumanida 24-fevral kuni yo‘l yoqasidagi quruq xashaklar yonib ketdi. Bu haqda viloyat FVB axborot xizmati xabar berdi.
Qayd etilishicha, soat 18:36 da “Bo‘zachi” mahallasidan o‘tuvchi A-380 avtomobil yo‘li yoqasida 80 kvadrat/metr maydonda quruq xashak yonib ketgan. Yong‘in yarim soatda to‘liq o‘chirilgan.
Yong‘inning taxminiy sababi noma’lum shaxs tomonidan o‘chirilmay tashlangan tamaki qoldig‘i ekani aytilmoqda, hozirda yong‘in zarari miqdorini aniqlash boshlangan. Yong‘inga 2 ta qutqaruv ekipaji jalb etilgan.
Izoh (0)