Европа Лигаси. “Манчестер Юнайтед” иродали ғалаба эвазига “Барселона”ни мусобақадан чиқариб юборди, “Рома” ҳам кейинги босқичда

Футбол бўйича Европа Лигасининг ўтиш баҳслари доирасидаги жавоб ўйинлари 23 февраль, пайшанба куни бўлиб ўтди.

“Манчестер Юнайтед” ўз уйида “Барселона”ни қабул қилди. Учрашувнинг 18-дақиқасида Роберт Левандовски пенальтини аниқ амалга оширган ҳолда каталонларни олдинга олиб чиқди. Иккинчи бўлим бошида Фред мувозанатни тиклади. 73-дақиқада Антони инглизларнинг тезкор ҳужумини гол билан якунлади.

Қолган вақтда ҳисоб ўзгармади ва бу ғалаба “Манчестер Юнайтед”га кейинги босқич эшикларини очди. “Камп Ноу”даги ўйинда 2:2 ҳисобидаги дуранг қайд этилганди.

“Рома” Андреа Белотти ва Пауло Дибаланинг голлари эвазига умумий ҳисобда устунликка эга бўлди ҳамда кейинги босқич масаласини ҳал қилди.

“Монако” ва “Байер” ўртасидаги иккинчи учрашувда 2:3 ҳисоби қайд этилди. Қўшимча бўлимларда ҳисоб ўзгармади, пенальтилар серияси эса Хаби Алонсо шогирдлари фойдасига ҳал бўлди.

Европа Лигаси

1/8 финалга ўтиш ўйинлари

23 февраль, пайшанба

“Манчестер Юнайтед” (Англия) – “Барселона” (Испания) 2:1

Голлар: 0:1 – 18, пенальти Левандовски, 1:1 – 47 Фред, 2:1 – 73 Антони.

“Манчестер Юнайтед”: Де Хеа, Уан-Биссака (Диогу Далот, 67), Варан, Мартинес, Шоу, Каземиро, Фред, Бруну Фернандеш, Вегорст (Антони, 46), Рэшфорд (Мактоминей, 88), Санчо (Гарначо, 67).

“Барселона”: тер Штеген, Кунде, Кристенсен, Араухо (Алонсо, 82), Балде, Бускетс, Кессиэ, де Ёнг, Серхи Роберто (Ферран Торрес, 70), Левандовски, Рафинья (Фати, 75).

Огоҳлантиришлар: Бруну Фернандеш (60), Кессиэ (60), Левандовски (71), Гарначо (78), Бускетс (83), Каземиро (86).

Дастлабки баҳс: 2:2

“Рома” (Италия) – “Зальцбург” (Австрия) 2:0

Голлар: 1:0 – 33 Белотти, 2:0 – 40 Дибала.

“Рома”: Руй Патрисиу, Смоллинг, Манчини, Рожер, Спинацсола, Матич, Кристанте, Пеллегрини (Вейналдум, 81), Залевски (Карсдорп, 81), Дибала, Белотти (Абраҳам, 87).

“Зальцбург”: Кен, Дедич (ван дер Бремпт, 74), Бернардо, Соле, Ульмер, Капалдо (Койта, 84), Зайвалд (Глух, 75), Кергор (Сучич, 46), Гурна-Дуат, Окафор, Адаму (Шешко, 74).

Огоҳлантиришлар: Рожер (4), Пеллегрини (5), Спинацсола (54), Залевски (74).

Дастлабки баҳс: 0:1

“Унион” (Германия) – “Аякс” (Нидерландия) 3:1

Голлар: 1:0 – 20, пенальти Кнохе, 2:0 – 44 Юранович, 2:1 – 47 Кудус, 3:1 – 50 Дуки.

Дастлабки баҳс: 0:0

“Монако” (Монако) – “Байер” (Германия) 2:3

Пенальтилар серияси – 3:5

Голлар: 0:1 – 13 Вирц, 1:1 – 19, пенальти Бен-Еддер, 1:2 – 21 Паласиос, 1:3 – 58 Адли, 2:3 – 84 Эмболо.

Дастлабки баҳс: 3:2