Yevropa Ligasi. “Yuventus” Di Mariyaning het-triki evaziga g‘alaba qozondi, “Sevilya” va “Sporting” ham keyingi bosqichda

Futbol bo‘yicha Yevropa Ligasining o‘tish bahslari doirasidagi javob o‘yinlari 23-fevral, payshanba kuni bo‘lib o‘tdi.

“Yuventus” “Nant” maydonida mehmon bo‘ldi. Uchrashuvning 5-daqiqasida Anxel Di Mariya turinliklarni oldinga olib chiqdi. 18-daqiqada maydon egalari bir o‘yinchi kam bo‘lib qoldi. 19-daqiqada Di Mariya dublni nishonladi. 78-daqiqaga kelib, argentinalik futbolchi hisobni yirik ko‘rinishga olib keldi.

Shu tariqa “Yuventus” Yevropa Ligasining 1/8 finaliga yo‘l oldi. Dastlabki o‘yinda 1:1 hisobidagi durang natija qayd etilgandi.

“PSV” va “Sevilya” jamoalari o‘rtasidagi o‘yinda eyndhovenliklar 2:0 hisobida g‘alaba qozondi. Biroq dastlabki o‘yindagi yirik g‘alaba evaziga (3:0) ispan klubi keyingi bosqichga yo‘l oldi.

“Sporting” esa o‘z uyidagi durangdan keyin safarda “Midtyulland”ga javobsiz to‘rtta to‘p kiritdi.

Yevropa Ligasi

1/8 finalga o‘tish o‘yinlari

23-fevral, payshanba

“Nant” (Fransiya) – “Yuventus” (Italiya) 0:3

Gollar: 0:1 – 5 Di Mariya, 0:2 – 20, penalti Di Mariya, 0:3 – 78 Di Mariya.

“Nant”: Lafon, Santonz, Pallua, Kastelletto, Jirotto, Sissoko (Mutussami, 46), Molle (Gessan, 73), Chirivelya (Traore, 24), Blas, Saymon (Muhammad, 73), Delor (Ganago, 46).

“Yuventus”: Shensni, De Shilyo (Kuadrado, 65), Aleks Sandro, Danilo (Bonuchchi, 82), Bremer, Kostich (Ayling, 83), Di Mariya (Paredes, 82), Rabyo, Lokatelli, Fajoli, Kin (Vlahovich, 64).

Ogohlantirishlar: Traore (81), Kuadrado (87).

Chetlatish: Pallua (17).

Dastlabki bahs: 1:1

“PSV” (Niderlandiya) – “Sevilya” (Ispaniya) 2:0

Gollar: 1:0 – 77 de Yong, 2:0 – 90+5 Fabiu Silva.

Dastlabki bahs: 0:3

“Midtyulland” (Daniya) – “Sporting” (Portugaliya) 0:4

Gollar: 0:1 – 21 Koates, 0:2 – 50 Pedru Gonsalvesh, 0:3 – 77 Pedru Gonsalvesh, 0:4 – 85, avtogol Gartenmann.

Dastlabki bahs: 1:1