Shavkat Mirziyoyev Qarshidagi supermarketlardan biriga kirib, xaridorlar bilan suhbatlashdi, u yerdagi narx-navo bilan tanishdi. Bu haqda “Daryo” muxbiri xabar berdi.
Yangi yil arafasida Qarshi shahrida ko‘p qavatli savdo majmuasi ishga tushgan edi. Unda oziq-ovqat, maishiy texnika, xo‘jalik mollari do‘konlari va ko‘ngilochar maskanlar joylashgan.
Bugun Prezident ushbu majmuaga tashrif buyurib, oziq-ovqat va maishiy texnika do‘konlarini kirib ko‘rdi. Mahsulotlarning sifati va narxlariga e’tibor qaratdi. Ularning aksariyati mamlakatimizda ishlab chiqarilayotganini yuqori baholadi.
Xaridorlar bilan suhbatda davlat rahbari oziq-ovqat mahsulotlarining narxi va xizmatlar haqida ularning fikrlari bilan qiziqdi.
Izoh (0)