Rossiyada o‘zbekistonlik va tojikistonlik migrantlar ommaviy norozilik uyushtirgani haqida xabarlar tarqaldi. Migratsiya agentligi mazkur holat yuzasidan ma’lumot berdi.
Agentlikning Rossiyadagi vakolatxonasi tomonidan o‘rganishlar natijasida ma’lum bo‘lishicha, 22-fevral kuni Moskva shahridagi Crocus Group qurilish maydonchasida mehnat migrantlari tomonidan norozilik harakati uyushtirilgan.
Ish haqining o‘z vaqtida to‘lanmagani sababli uyushtirilgan norozilik harakati oqibatida ish beruvchilar va migrantlar o‘rtasida jismoniy kuch ishlatilgan. Shundan so‘ng korxona rahbariyati fuqarolar bilan uchrashib, ularning ishlagan barcha maoshlarini to‘lab berishga va’da bergan.
Qayd etilishicha, ushbu holatda jarohat olganlar va hibsga olinganlar o‘rtasida O‘zbekiston fuqarolari yo‘q.
Izoh (0)