2022—2023-yilgi mavsumda O‘zbekistondan sarxil xurmo eksporti hajmi 9 foizga oshdi. Bu haqda EastFruit xabar bermoqda.
O‘tgan hafta O‘zbekistondan sarxil xurmo eksporti bir necha tonnalik partiyalarni hisobga olmaganda, deyarli amalga oshirilmadi. Bu xurmoning o‘tgan yilgi hosili eksporti mavsumi tugaganini anglatadi.
2022-yilda O‘zbekistondan sarxil xurmo eksporti mavsumi avgust oyining uchinchi o‘n kunligida, ya’ni odatiy vaqtda start oldi.
Dastlabki rasmiy statistik ma’lumotlarga ko‘ra, 2022-yilning avgust oyi boshidan 2023-yil fevral oyining ikkinchi o‘n kunligi oxiriga qadar O‘zbekiston umumiy hajmi 84,5 ming tonna va qiymati umumiy qiymati 51,6 million dollarlik sarxil xurmo eksport qilgan, bu 2021—2022-yilgi mavsumning shu davriga nisbatan jismoniy ko‘rsatkichda 8,9 foizga, eksport tushumlari bo‘yicha 45,4 foizga ko‘pdir.
Biroq, yakunlangan mavsumda O‘zbekistondan sarxil xurmo eksporti 2020—2021-yilgi mavsumdagi rekord ko‘rsatkichga nisbatan jismoniy jihatdan 13 foizga kam bo‘lgan.
Yuqoridagi diagrammadan ko‘rinib turibdiki, 2018—2019 va 2019—2020-yilgi mavsumlarda keskin pasayishdan so‘ng O‘zbekistondan sarxil xurmo eksporti hajmi ketma-ket uchinchi mavsum 77 ming tonnadan oshdi.
Eksport geografiyasiga kelsak, 2022—2023-yilgi mavsumda umumiy eksport hajmining 99 foizdan ortig‘i beshta mamlakatning umumiy ulushiga to‘g‘ri keladi:
- Rossiya — 47,6 ming tonna (56,3 foiz);
- Qozog‘iston — 28,7 ming tonna (33,9 foiz);
- Qirg‘iziston — 3,4 ming tonna (4,1 foiz);
- Turkmaniston – 3,3 ming tonna (3,9 foiz).
Bundan tashqari, yakunlangan mavsumda O‘zbekiston Polshaga 62 tonna, Latviya, Ukraina va Iroq bozorlariga 18-20 tonnadan sarxil xurmo yetkazib bergan va bu mahsulotning bir necha tonnasi Mo‘g‘uliston hamda BAAga ham jo‘natilgan.
Izoh (0)