Yil boshidan beri O‘zbekiston xurmoni qaysi davlatlarga eksport qilayotgani ma’lum bo‘ldi

O‘zbekiston 10 oyda 45,6 ming tonna xurmo eksport qilgan. Bu haqda Davlat statistika qo‘mitasi matbuot xizmati xabar bermoqda.

Ma’lumotlariga ko‘ra, 2022-yilning yanvar—oktabr oylarida O‘zbekiston qiymati 27,3 mln dollarga teng 45,6 ming tonna xurmo eksport qilgan.

Oktabr oyida mamlakatdan xurmo eksporti keskin oshgan — 11,3 ming tonna. Umumiy yanvar—sentabr oylarida bu ko‘rsatkich 16 ming tonnaga teng bo‘lgan.

Xurmo eksporti 2021-yilning mos davri bilan solishtirilganda 7,5 ming tonnaga oshgan.

2022-yilning 10 oyida O‘zbekiston eng ko‘p xurmoni Rossiyaga eksport qilgan — 26,2 ming tonna. Oktabrbi o‘ziga mamlakatga 18 ming tonna xurmo yuborilgan.

Ushbu meva eng ko‘p eksport qilinadigan mamlakatlar reytingida Qozog‘iston ikkinchi o‘rinda – 15,3 ming tonna. Uchinchi o‘rinni esa Qirg‘iz Respublikasi 2 ming tonna bilan egallagan.

Keyingi o‘rinlarda Turkmaniston (1,3 ming tonna), Belarus (776 tonna) va Polsha (43 tonna) joylashgan.

Avvalroq Tojikistonda xurmodan chipslar tayyorlash yo‘lga qo‘yilgani haqida xabar berilgandi.