Qo‘shma Shtatlar G7 mamlakatlari bilan birgalikda bugun, 24-fevral kuni yangi sanksiyalar paketini taqdim etadi. Bu haqda The Washington Post xabar bermoqda.
AQSH Davlat kotibi o‘rinbosari Viktoriya Nuland yangi sanksiyalar Rossiya banklari va Rossiyaga yordam ko‘rsatadigan Xitoy kompaniyalariga nisbatan cheklovlarni o‘z ichiga olishini ma’lum qildi.
Yangi cheklovlar, shuningdek, Rossiyaning sanksiyalarni chetlab o‘tishiga yo‘l qo‘ymaslik va Rossiya harbiy-sanoat kompleksi uchun yuqori texnologiyali uskunalar importining oldini olishga qaratilgan.
Bundan tashqari, Nulandning ta’kidlashicha, sanksiyalar Rossiyaga nisbatan joriy etilgan cheklovlarni chetlab o‘tishga yordam beradigan Yevropadagi Xitoy kompaniyalariga ta’sir qiladi.
Rossiya—Ukraina urushining bir yilligi munosabati bilan 24-fevral kuni G7 davlatlari va Yevropa Ittifoqi Rossiyaga qarshi yangi sanksiyalar paketini taqdim etishi kutilmoqda.
Bloomberg manbalariga tayanib, yangi cheklovlar Rossiyaning mudofaa va energetika sohalari, moliya institutlari, shuningdek, bir necha shaxslarga nisbatan qo‘llanilishi haqida xabar bermoqda.
Agentlik suhbatdoshining ta’kidlashicha, Qo‘shma Shtatlar va uning ittifoqchilari sanksiyalardan qochish va chetlab o‘tishning oldini olish, shuningdek, “Rossiya uchinchi davlatlardan oladigan qo‘llab-quvvatlash”ga putur yetkazish bilan kurashadi.
Izoh (0)