O‘zbekistonda 2022-yilda xalqaro yo‘nalishda nechta aviaparvoz amalga oshirilgani ma’lum bo‘ldi. Bu haqda Statistika agentligi axborot xizmati xabar berdi.
Statistika agentligi ma’lumotlariga ko‘ra, 2022-yilda xalqaro yo‘nalishlarda belgilangan grafik asosida 15 192 ta aviaparvoz amalga oshirilgan. 2022-yilda xalqaro yo‘nalishlarda bir kunda o‘rtacha 41 ta aviaparvoz kuzatilgan. Shuningdek, 2022-yilda O‘zbekistonda mahalliy yo‘nalishlarda 6345 ta aviaparvoz amalga oshirilgan.
Ma’lumot uchun, mamlakat 2023-yilning yanvar oyida xorijdan qiymati 633,1 million AQSH dollariga teng bo‘lgan 13 ta samolyot import qilgan.
Izoh (0)