O‘zbekiston—Fransiya qo‘shma universitetini tashkil etish hamda Samarqand shahrida “Fransiya alyansi” faoliyatini yo‘lga qo‘yish rejalashtirilmoqda. Bu haqda “Dunyo” AA xabar berdi.
Ma’lum qilinishicha, Yevropa mamlakatlari va Yevropa Ittifoqi institutlari bilan hamkorlik boshqarmasi rahbari Oybek Shaxavdinov Fransiya TIVning Kontinental Yevropa departamenti direktorining o‘rinbosari Silven Giyoge bilan videokonferensiya vositasida muzokaralar o‘tkazdi.
Onlayn uchrashuvda O‘zbekistonning Fransiya va Portugaliyadagi elchisi Sardor Rustamboyev va Fransiyaning O‘zbekistondagi elchisi Oreliya Bushez ham ishtirok etdi.
Uchrashuvda Fransiyaga oliy darajadagi tashrif yakunlari bo‘yicha erishilgan barcha kelishuvlarni, jumladan, savdo-iqtisodiy va sarmoyaviy sohalardagi kelishuvlarni o‘z vaqtida va to‘la amalga oshirish masalalari muhokama qilingan.
Tomonlar 2023-yil aprelida tashqi savdo, iqtisodiy jozibadorlik va xorijdagi Fransiya fuqarolari vazirining O‘zbekistonga tashrifini, shuningdek, savdo-iqtisodiy masalalar bo‘yicha O‘zbekiston—Fransiya hukumatlararo komissiyasining 9-yig‘ilishini, shuningdek, Fransiyaning MEDEF korxonalari ishtirokida ikki tomonlama uchrashuvlarni o‘tkazishga qaror qildi.
2023-yilda Parijda ikki mamlakat o‘rtasidagi siyosiy maslahatlashuvlarning 14-raundini o‘tkazish masalasi ham muhokama qilingan.
Izoh (0)